سەرنووچە:

پەیڤدارێ یەکێتیێ: ڕێگری ژ مەحمود سەنگاوی هاتیە کرن بچیتە هەولێرێ

فۆتۆ: 
2019-09-19

533 جار خوێندراوەتەوە

ئەڤرۆ ل یەک ژ بازگەهێن دەربازبوونا ناڤ باژێرێ هەولێرێ، ڕێگری ژ مەحمود سەنگاوی ئەندامێ مەکتەبا سیاسیا یەکێتیێ هاتیە کرن بچیتە وی باژێری، پەیڤدارێ یەکێتیێ ژی دبێژیت، ئەو کارە جهێ قەبوولکرنێ نینە.

دەما کو ئەڤرۆ مەحمود سەنگاوی خواستیە بۆ پشکداریکرن د جڤینا مەکتەبا سیاسیا حزبا خۆ بچیتە باژێرێ هەولێرێ، ژ ئالیێ بازگەهێن پارتی ڤە ڕێگری لێ هاتیە کرن، هەر ژبەر وێ یەکێ ژی ئەندامێ مەکتەبا سیاسیا یەکیتیێ ڤەگەڕیایەڤە.

دەربارەی بوویەرێ ژی پەیڤدارێ یەکێتیێ د کۆنفرانسا ڕۆژنامەڤانی دا گوت، ئەوا ل هەمبەر وان هاتیە کرن دژی هەموو پەیوەندیێن مکۆمێن وانە یێن کو دگەل پارتیێ هەنە.

لەتیف شێخ عومەر دبیژیت ژی، هەولێر و هەموو پارچەیێن کوردستانێ مولکێ هەموو وەلاتیێن کوردستانێ یە و ئەو عەقلیەتا دخوازیت پایتەختێ کوردستانێ پاوان بکەت، ئەو وەک یەکێتی نکارن وێ چەندێ قەبوول بکەن.

س.م