سەرنووچە:

ل زاخۆ گەنجەک هاتە کوشتن

فۆتۆ: 
2019-09-19

1253 جار خوێندراوەتەوە

ل زاخۆ گەنجەکێ تەمەن ٢١ سالی ب دوو گولەیان هاتە کوشتن.

ئەمیر عەلی بەرپرسێ ڕاگەهاندنا ساخلەمیا زاخۆ بۆ دیجیتال میدیایا ئێن ئاڕ تی ڕاگەهاند، دەمژمێر ١٠ێ شەڤا دەربازبوویی ل تاخێ فرقێ یێ باژێرێ زاخۆ گەنجەکێ تەمەن ٢١ سالی ب دوو گولەیان هاتیە کوشتن.

بەحسا وێ یەکێ ژی کر، ئەو گەنجە مەسیحیە و ب دەمانچێ هاتیە کوشتن کو گولە بەر سەرێ وی کەفتنە و تەرمێ وی بۆ نۆژداریا داد ل دهۆکێ هاتیە ڤەگوهاستن.

هەڤدەم پۆلیسێن زاخۆ دەربارەی بوویەرێ دانەزانین، هەیا نها سەدەمێن کوشتنا وی گەنجی دیار نینە و ناهێتە زانین ژ ئالیێ کێ ڤە هاتیە کوشتن، د نها دا وان دەست ب ڤەکۆلینان کرنە.

ئەڤە ژی دەمەکێ دایە، ڕۆژا یەکشەمبیا دەربازبوویی ل گوندێ مەغارە یێ سەر ب قەزا شێخان زەلامەکێ هەڤژینا خۆ دگەل کەسەکی دی کوشتن، کو ژن و زەلام هەردوو خۆدان زارۆک بوونە.

س.م