سەرنووچە:

نەوەى نوێ: هێشتا زوویە بڕیارا پشکداریکرنا ب یەک لیست د هەلبژارتنێن کەرکوکێ دا بدەین

فۆتۆ: 
2019-09-18

209 جار خوێندراوەتەوە

نەوەى نوێ ڕاگەهاند، هێشتا زوویە بڕیارا پشکداریکرنا ب یەک لیست  د هەلبژارتنێن کەرکوکێ دا بدەین، نابیت پارتى و یەکێتى ل هەرێمێ ب ئاوایەکێ و ل دەرڤەى هەرێمێ ژی ب ئاوایەکێ دی سەرەدەریێ بکەن.

کاوە عەبدولقادر ئەندامێ جفاتا بلندا ڤەلڤینا نەوەى نوێ د داخویانیەکێ دا ڕاگەهاند،" نابیت پارتى و یەکێتى ل هەرێمێ ب ئاوایەکێ و ل دەرڤەى هەرێمێ ژی ب ئاوایەکێ دی سەرەدەریێ بکەن".

 بەحسا وێ یەکێ ژی کر،" بڕیارا یەک لیستی بۆ کەرکوکێ پێدڤی ب ڕێخۆشکرنێ هەیە و پێدڤیە ژی ئیرادەیا کارکرنا ناڤ هەرێمێ هەمان ئیرادەیا کارکرنا دەرڤەیێ هەرێمێ بیت".

ئەڤە ژی پشتی وێ یەکێ هات کو ڕۆژا  یەکشەمبا دەربازبوویی ب مەرەما پشکداریکرن د یەک لیستیێ ل هەلبژارتنا جڤاتا پارێزگەها کەرکوکێ دا، دەزگەهێ هەلبژارتنا یەکێتی سەرەدانا ڤەلڤینا نەوەی نوێ ل سلێمانیێ کر.

ل سالا ٢٠٠٥ێ  هەلبژارتنا جڤاتا پارێزگەهان ل کەرکوکێ نەهانە کرن، لێ بڕیارە ل هەلبژارتنا جڤاتا پارێزگەهێن عێراق، کو ل نیسانا سالا ٢٠٢٠ ێ دا دهێتە کرن، ل باژاڕێ کەرکوکێ ژی دهێتە کرن، بۆ وێ مەرەمێ ژب ژ بلی نەوەێ نوێ، تەڤایا ئالیان ب فەرمی ڕازینە ب یەک لیست پشکداریێ د هەلبژارتنا جڤاتا پارێزگەهان ل کەرکوکێ دا بکەن.

 س.ع