سەرنووچە:

سەرۆک کۆمارێ عێراقێ و سەرۆکێ حکومەتا هەرێمێ جڤیان

سەرۆکێ پەڕلەمانێ عێراقێ ژی دێ سەرەدانا هەرێمێ کەت
فۆتۆ: 
2019-09-18

354 جار خوێندراوەتەوە

بەرهەم سالح سەرۆک کۆمارێ عێراقێ و وەزیرێ داراییا عێراقێ  و مەسرور بارزانی سەرۆکێ حکومەتا هەرێما کوردستانێ ل هەولێرێ جڤیان و  دیڤدا ژی سەرەدانا پەڕلەمانێ کوردستانێ کرن.

چاڤکانیەکێ بۆ ئێن ئاڕ تی ڕاگەهاند، ئەڤرۆ چارشەمبێ (١٨ ئیلۆنا ٢٠١٩ێ) د چارچۆڤا سەرەدانا سەرۆک کۆمار و وەزیرێ داراییا عێراقێ بۆ هەولێرێ دگەل سەرۆکێ حکومەتا هەرێمێ جڤیان و دیڤدا ژی سەرەدانا پەڕلەمانێ کوردستانێ کرن.

دیارکرن ژی، هەر ب مەرەما گۆتوبێژکرن لسەر ئاریشەیێن ناڤبەرا بەغدا و هەولێرێ بڕیارە هەر ئەڤرۆ سەرۆکێ پەڕلەمانێ عێراقێ ژی سەرەدانا هەولێرێ بکەت .

ئەڤە د دەمەکێ دایە، کو ئێڤاریا دوهی شاندەکا عێراقێ  ب سەرۆکایەتیا سەرۆک کۆمار و وەزێرێ دارایی گەهشتنە هەولێرێ و دگەل نێچیرڤان بارزانی سەرۆکێ هەرێمێ جڤیان و ڕاگەهاندن، د نها دا لێکتێگەهشتنەکا باش لسەر چارەسەرکنا ئاریشەیان هەیە.

هەڤدەم جوتیار عادل، پەیڤدارێ حکومەتا هەرێمێ ڕاگەهاند، لێکتێگەهشتنەکا باش هەبوویە بزاڤ هاتنە چڕکرن بۆ چارەسەرکرنا ئاریشەیان و د جڤینێ دا تێبینی و داخوازیێن هەرێمێ لسەر بودجەیێ و ئاریشەیێن دارایی هاتنە وەگرتن.

پەیڤدارێ حکومەتا هەرێمێ بەحسا وێ یەکێ ژی کر، هورکاریێن بودجەیێ و داخوازیێن هەرێمێ پێدڤی ب گۆتوبێژ و جڤینێن زێدەتر هەیە.

س.ع