سەرنووچە:

ئەفغانستان.. ب سەدەما تەقینەکێ ٢٤ کەس هاتنە کوشتن

تەقین ب ڕێیا ماتۆڕەکا بۆمبەکری بوویە
فۆتۆ: 
2019-09-17

204 جار خوێندراوەتەوە

وەزارەتا ناڤخۆیا ئەڤغانستانێ ڕاگەهاند،ل باکورێ پایتەخت چێبوو  و ب وێ سەدەمێ ژی هەری کێم ٢٤ کەس هاتنە کوشتن و زێدەتری ٣٠ کەسێن دی ژی بریندار بوون.

نوسرەت رەحیمی پەیڤدارێ وەزارەتا نافخۆیا ئەڤغانستانێ ڕاگەهاند، ل باژاڕێ چاریکار ل باکورێ کابولا پایتەخت کەسەکی خۆکوژ ب ڕێیا ماتۆرەکا بۆمبەکری خۆ تەقاند.

دازانین ژی، تەقينێ خڕڤەبوونەکا جەماوەریا ئالیگرێن ئەشرەف غەنی سەرۆکێ ئەڤغانستانێ کریە ئارمانج، کو بەری گوتارەکێ بۆ ئالیگرێن خۆ پێشکێش بکەت.

 بەحسا وێ یەکێ ژی هاتیەکرن، ئەشرەف غەنی چ زەرەر بەرنەکەفتیە.

هەڤدەم بەرپرسێن کۆمسیۆنا هەلبژارتێن ئەڤغانستانێ ڕاگەهاند، تەقین نەبوویە ڕێگر ل هەمبەرێ بڕێڤەچوونا پرۆسەیا هەلبژارتنێ ل وەلاتی وی.

پشتی تەقینی ب چەند دەمژمێرەکان بزاڤا تالیبان بەرپرسیارەتیا خۆ ل تەقینێ ڕاگەهاند.

 بڕیارە ٢٨ێ ڤێ مەهێ هەلبژارتنا سەرۆکایەتیا ئەڤغانستانێ برێڤە بچیت، کو تێدا ١٨بەربژێر هەڤڕکیێ دکەن کو یەک ژ وان سەرۆکێ نهایێ ئەڤغانستانێ و هەڤدەم ڕکابەرێ سەرەکیێ هەلبژارتنێن بەرێ یێ وی وەلاتی ژی تێدایە.

س.ع