سەرنووچە:

عەبدولمەهیدی و پۆمپیۆ گوتوبێژا هێرشا سەر پالاوکەهێن نەفتا سعودیە کر

  پەیوەندیێن عێراقێ و ئەمریکا
فۆتۆ: 
2019-09-16

157 جار خوێندراوەتەوە

سەرۆک وەزیرێن عێراقێ  و وەزیرێ دەرڤەیێ ئەمریکا پەیوەندیەکا تەلەفۆنی ئەنجام دا و گوتوبێژا هێرشێن سەر پالاوگەهێن نەفتا سعودیێ کر.

نڤیسینگەها سەرۆک وەزیرێ عێراقێ د ڕاگەهاندنەکێ دا بەحسا وێ یەکێ کر، د وێ پەیوەندیا تەلەفۆنی دا، عادل عەبدولمەهدی و مایک پۆمپیۆ ب هویری ڕەوشا سیاسی و ئێمناهیا دەڤەرێ گوتوبێژ کرن، هەر وەسا تکەز لسەر پێشڤەبرنا پەیوەندیێن عێراقێ و ئەمریکا کرن.

هەڤدەم سەرۆک وەزیرێن عێراقێ، تکەز لسەر وێ یەکێ کر، کو حکومەتا وی ڕێکێ نادەت  د ناڤ ئاخا وەلاتێ وی دا هێرش بۆ سەر چ وەلاتەکێ جیران نادەت.

ئەڤە د دەمەکێ دایە، کو بەری دوو ڕۆژێن دەربازبووی هێرشەک بۆ سەر هەر دوو پالاوگەهێن نەفتا سعودیێ هاتە کرن، هەر چەندە هێزێن حوسیێن یەمەنێ هێرش ل ستویێ خۆ گرتیە، لێ بەحسا وێ یەکێ دهێتە کرن کو ئەو هێرش ل ئاخا عێراقێ هاتیە کرن، دیڤدا ژی نڤیسینگەها عادل عەبدولمەهدی ئەو یەک ڕەتکر.