سەرنووچە:

ڤیدیۆ.. پێشکەفتیترین بالەفڕا جیهانێ دۆلا داعشێ بۆمبەباران کر

فۆتۆ: 
2019-09-11

743 جار خوێندراوەتەوە

هەڤپەیمانیا ناڤدەولەتی ل دژی داعشێ چەند گرتەیێن ڤیدیۆیی بەلاڤکرن کو ژ ئەسمانی ڤە کاڤلکاریێن تراژیدی و دراماتیکیا وێ ڕێکخڕاوێ ل دۆلا 'ئالودەبوو ب داعش' نیشان ددەت، پشتی هاڤێتنا خوارا چەند بۆمبێن کو کێشا وان هزار تەنی بوون.

هەڤپەیمانیێ بەحس ژ گراڤا کەنعوص کر کو دکەڤیتە ناڤەڕاستا ڕیبارێ دیجلەیێ ل پارێزگەها سەلاحەدین ل باکورێ بەغدایێ.

لگۆڕی ڕاپۆرتا هەڤپەیمانیێ، ئەو جهـ بوویە بارگەهێن داعشێ، لێ د ڤێ چالاکیێ دا بالەڤڕا شەڕکەڕیا ئەمریکی ژ جۆرێ ئێف ٣٥ تێدا پشکدار بوویە کو ب پێشکەفتیترین بالەڤڕا جیهانێ دهێتە هەژمارتن.

د هژمارەیا ڕەسمیا رووپەلا توێتەرێ دا هەڤپەیمانیێ گرتەیەکا ڤیدیۆی بەلاڤکر، دگەل کۆمێنتەکێ دا کو تێدا نڤیسایە" ب ڤی ئاوایی گرەڤا ئالودەبووب داعشێ دەردکەڤیت پشتی وێ یەکێ کو بالەفڕێن ئێف ١٥ و ٣٥، ٣٦هزار کیلۆ تەقەمەنی خستنە خوارێ".

بەرپرسەکێ سەربازی د ناڤ هەڤپەیمانیێ دا راگەهاند، بڕێکا ڤێ چالاکیێ کارینە ڕێگریێ ل خۆڤەشارتنا ئەندامێن ڕێکخراوا داعشێ  ل دەڤەرێ بکەن.

عێراقێ سەرکەفتن بسەر چەکدارێن داعشێ ل سالا ٢٠١٧ێ دا ڕاگەهاند و هێزێن سوریا دیموکرات ژی ل بهارا ٢٠١٩ێ دا سەرکەفتن بسەر داعشێ ل سوریا ڕاگەهاند.

نەتەوەیێن هەڤگرتی ل مەها تەباخا دەربازبوویی  د ڕاپۆرتەکێ دا ئەو یەک ئاشکرا کر، ڕێکخراوا داعشێ نێزیکی ٣٠ هزار چەکدار ل عێراقێ و سوریا دا هەنە و داهاێ وێ ژی ب نێزیکی ٣٠٠ملیۆن دۆلارا هاتە خەملاندن