سەرنووچە:

جڤاتا وەزیرێن هەرێمێ چەند بریار دەرکرن

دەربارێ گۆتوبێژێن ناڤبەرا هەرێم و بەغدا
فۆتۆ: 
2019-09-11

112 جار خوێندراوەتەوە

جڤاتا وەزیرێن هەرێمێ بریار دا ب پێکئینانا دوو لیژنەیان ب مەرەما گۆتوبێژ کرن دگەل بەغدایێ دەربارێ بودجەیا سالا ٢٠٢٠ێ و مژارا سەرژمێریا گشتى یا روونشتڤانان کو بریارە سالا داهاتى برێڤەبچیت.

جڤاتا وەزیران د راگەهاندنەکێ دا بەحسا وێ یەکێ کر، حەفتیا داهاتى دێ شاندەکا هەرێمێ سەردانا بەغدایێ کەت ب مەرەما گۆتوبێژ و لهەڤگوهەرتنا زانیاریان دەربارێ مژارا بودجەى و بەشدارى کرنا هەرێما کوردستانێ د قۆناغا دەستپێکێ یا بەرهەڤکرنا رەشنڤیسا بودجەیێ ٢٠٢٠ێ ژ ئالیێ وەزارەتا دارایا فیدرالێ ڤە ، هەروەسا گازیکرنا لیژنەیێن ( دارایی، نەفت و گاز ، یاسایی ) ل جڤاتا نونەرێن عێراقێ ژى بۆ هەرێما کوردستانێ بهێن کرن.

ئاماژە ژى کریە، " رۆژا پێنج شەمبیێ ١٢ێ ئیلۆنا ٢٠١٩ێ شاندەکا حکومەتا هەرێمێ دگەل پارلەمانێ کوردستانێ دێ بجڤن بۆ دیار کرنا داتا و زانیاریێن پێدڤى دەربارێ گۆتوبێژێن ناڤبەرا حکومەتا هەرێما کوردستانێ و یا فیدرالى".

ئەو یەک ژى دیار کر، لیژنەیەک دەربارێ ب پرۆژەیا سەرژمێریا عێراقێ بریا سالا ٢٠٢٠ بهێت پێکئینان بۆ هەلسەنگاندنا پرۆژەیێن سەرژمێریێ ب جورەکێ بەرژەوەندیا هەرێم و نەتەوەیان بهێتە بەرچاڤ گرتن، هەڤدەم پرۆژەیا تیانووسى یا بازرگانى ( الدفاتر تجاریە) کو میکانیزما نوویە.