سەرنووچە:

شنگال.. ٣٥٠ مالباتێن ئاوارەیێن عەرەب بۆ سەر جهێن خۆ ڤەگەڕیان

پێشتر د کەمپا جەدعا یا سنورێ پارێزگەها نەینەوا دابوون
فۆتۆ: 
2019-09-11

180 جار خوێندراوەتەوە

دیجیتال میدیایا ئێن ئاڕ تی، شنگال، نەزیر شنگالی

٣٥٠ مالباتێن ئاوارەیێن عەرەب کو ل دەما هاتنا داعشێ ئاوارەببوون ڤەگەڕیانە سەر مالێن خۆ ل ناحیا قەیراوەن یا سەر ب قەزا شنگالێ.

خالد وەلید بەرپرسێ هۆزا متێودا بۆ دیجیتال میدیایا ئێن ئاڕ تی ڕاگەهاند، ئەڤرۆ چارشەمبێ (١١ ئلیۆنا ٢٠١٩ێ) ٣٥٠ مالباتێن ئاوارەیێن عەرەب کو ل کەمپا جەدعا یا سنورێ پارێزگەها نەینەوا بنەجیببوون، ڤەگەڕیانە سەر مال و حالێن خۆ ل ناحیا قەیرەوان یا سەر ب قەزا شنگالێ.

دیارکر ژی، ئەو مالبات پڕانیا وان ژ عەشیرەتا وانە یا بناڤێ متێودا و ب هەڤبەندی دگەل هێزێن ئەولەهیێ یێن عێراقێ ل وی سنوری هاتنە ڤەگەڕاندن.

بەحسا وێ یەکێ ژی کر، پشتی هاتنا داعشێ وان ب تەمامی مال و حالێن خۆ بجیهێلابوون و د کەمپان دا ئاکنجیببوون، د نها دا کو داعش نەمایە ئەو ڤەگەڕیانە، لێ خزمەتگۆزاریێن گەلەک کێم ل جهێن وان هەنە و د ڕەوشەکا نەباش دانە.

س.م