سەرنووچە:

شێخ جەعفەر: دگەل دروستکرنا جڤاتەکێینە بۆ حزبان

فۆتۆ: 
2019-09-11

148 جار خوێندراوەتەوە

جێگرێ سەرۆکێ هەرێمێ ڕاگەهاند، وی پێباشە بۆ چارەسەریا وان ئاریشەیێن ناڤخۆی، ئالیێن سیاسی بخۆ جڤاتەکی دروست بکەن، لێ ب یاسایێ بهێتە ڕێکخستن.

جەعفەر شێخ مستەفا ئەندامێ سەرکرداتیا مەکتەبا سیاسیا یەکێتیێ کو دوهی فەرمانا دەستبکاربوونێ وەک جیگری سەرۆکێ هەرێمێ بۆ دەرچوو، د هەڤدیتنەکێ دا دگەل دەنگێ ئەمریکا دیارکر، "ئەگەر جڤاتەک هەبیت بۆ چارەسەرکرنا ئاریشەیێن ناڤخۆ و یەکڕێزیا میللەتێ مە و ڕووبڕووبوونا وان گەفان کو ژ دەرڤە ل میللەتێ مە دهێتە کرن یان هەڤدەنگیەک هەبیت بۆ گەهاندنا دەنگێ میللەتێ مە ب هەموو دونیایێ، ب وی رەنگی من پێ باشە ب مەرجەکێ دووربیت ژ هەموو دەستێڤەدانێن کاروبارێن حکومەت و پەرلەمانی و سەرۆکاتیا هەرێمێ، ژبەر کو پەرلەمان نوینەرێ خەلکیە".

دەربارەی سەرۆکاتیا جڤاتێ ل ئەگەرێ پێکئینانێ دا جەعفەر شێخ مستەفا دبێژیت، هەرگاڤا ئەو دەمە هات یەکێتی دێ نەرینا خۆ دیارکەت، پێشتر بۆ مەسعود بارزانی کار کرنە و دەنگ پێدانە ببیتە سەرۆکێ هەرێمێ و خولا وی ژی بهێتە درێژکرن، ئەگەر نها ژی بخوازیت وی ڕوولی ببینیت و ببیتە سەرۆکێ جڤاتێ و هەموو ئالیێن سیاسی کۆم بکەت و یەکڕێزیا کوردان بپارێزیت، یەکێتیێ دێ هەمان هەلویستێ بەرێ هەبیت.

ئەڤە ژی دەمەکێ دایە، پێشتر محەمەدێ حاجی مەحمود سکرتێرێ حزبا سۆسیالیس دیموکراتا کوردستانێ ڕاگەهاندبوو، پڕانیا ئالیان دگەل وێ یەکێ دانە جڤاتەک بهێتە دروستکرن کو پێکهاتەیا حزبان بیت و مەسعود بارزانی سەرۆکاتیێ لێ بکەت.

س.م