سەرنووچە:

پارەیێ جوتکارێن پارێزگەها دهۆکێ گەهشتە بانکێن هەرێمێ

فۆتۆ: 
2019-09-10

279 جار خوێندراوەتەوە

پارێ جوتکارێن پارێزگەها دهۆکێ ب کوژمێ ٢٠ ملیار و ٥٠ ملیۆن دیناران گەهشتە بانکێن هەرێمێ و بریارە د چەند روژێن داهاتی دا لسەر جوتکاران بهێنە پارڤەکرن.

نازم محەمەد، رێڤەبەرێ کومپانیا بازرکانى یا دەخلودانى ل پارێزگەها دهۆکێ بۆ ئێن ئار تى راگەهاند، گەرا چارێ یا وەرگرتنا چەکێ پارێ جوتکارێن پارێزگەها دهۆکێ ب کوژمێ ٢٠ ملیار و ٥٠ ملیۆن دیناران ژ بەغدایێ گەهشتنە بانکێن هەرێمێ و بریارە د چەند روژێن داهاتی دا لسەر جوتکاران بهێنە پارڤەکرن.

هەروەسا دیار ژى کر، پشتى پارڤەکرنا وى کوژمێ پارەى، ژ کوما ٥٩ ملیار دینارێن جوتکارێن دهۆکێ، بتنێ دێ ٤ ملیار دینار لدەف وەزارەتا بازرگانیا عێراقێ مینن، بریارە د گەرا پێنچێ دا ئەو پارە ژى بهێتە خەرجکرن. .

ئەڤە ژى د دەمەک دایە، کو د ئەڤسالە دا ١١٢ هزار تەنێن گەنمى یێن جوتکارێن پاڕێزگەها دهۆکێ ل هەر سێ سایلویێن زاخو، شێخان و فەیدیێ هاتبوونە وەرگرتن.