سەرنووچە:

ژ دەستپێکا ئەڤسالە ھەیا نھا زێدەتری ١٩٠٠ بوویەرێن ئاگربەربوونێ پەیدابوونە

فۆتۆ: 
2019-09-10

204 جار خوێندراوەتەوە

بەرپرسی راگەھاندنا بەرەڤانیا باژێ دھۆکێ راگەھاند، ژ دەستپیکا ئەڤسالە ھەیا نھا زێدەتری ١٩٠٠ بوویەرێن ئاگربەربوونی ل سنورێ پارێزگەھا دھۆکێ پەیدابوونە، ١٣ کەسان ژی جانێ خۆ ژ دەست دانە.

بێوار عەبدولعەزیز بەرپرسی راگەھاندنا بەرەڤانیا باژێڕێ دھۆکێ بۆ ئێن ئاڕ تی راگەھاند، ژ دەستپیکا ئەڤسالە ھەیا نھا زێدەتری ١٩٠٠ بوویەرێن ئاگربەربوونی ل سنورێ پارێزگەھا دھۆکێ پەیدابوونە و ب وێ سەدەمێ ژی زێدەتری ٢ ھزار دونەمێن ئەردی شەوتینە و ب کوژمی نێزیکی ٥ ملیار دیناران زەرەر گەهاندینە  و ١٣ کەسان ژی جانێ خۆ ژ دەست دانە.

دیار ژی کر، ھەڤبەرکرن دگەل سالا دەربازبووی د ئەڤسال دا بوویەرین ئاگربەربوونی زێدەبووینە  کو پێکدھێن ژ بوویەرێن شەوتینا پیش و پەلەخ و دەخلودان و باغ و بیستانێن وەلاتیان و مال و جھێن بازرگانی و خودانکرنا ئاژەل و ترۆمبێلا بووینە.

ئەڤە ژی د دەمەکێ دایە، کو د ئەڤ سالە دا ل دەڤەرێن جوودایێن ھەرێما کوردستانێ بوویەرێن ئاگربەربوونێ زێدەبوونە و ھند ئاگربەربوون ل دەڤەرێن ئاریشە لسەر وەکی کەرکوک و شنگالێ ژ ئالیێ داعشێ ڤەبوون ، ھەروەسا ب سەدەما بالەفڕێن تورکیایێ ل ھندەک دەڤەرێن دی ئاگربەربوون دروست بوونە.