سەرنووچە:

عێراق.. د ڕێوڕەسما عاشورایێ دا ٣١ کەسان جانێ خۆ ژ دەست دا

١٠٠ کەس ژی برینداربوونە
فۆتۆ: 
2019-09-10

205 جار خوێندراوەتەوە

وەزارەتا ساخلەمیا عێراقێ ڕاگەهاند، د ڕێوڕەسما عاشورایێ دا ل هەر یەک ژ باژاڕێن بەغدا و کەربەلا ٣١ کەسان جانێ خۆ ژ دەست دایە و ١٠٠ کەسێن دی ژی بریندار بوونە.

د ڕاگەهاندنا وەزارەتا ساخلەمیا عێراقێ دا هاتیە، ئەڤرۆ سێشەمبێ (١٠ ئیلۆنا ٢٠١٩ێ)  ل دەمێ ڕاکرنا (توەیرج)ێ د ڕێڕەسما عاشورایێ دا ل کازمیا باژاڕێ بەغدایێ ب سەدەما پالپێڤەنانێ و قەرەبالغیێ حالەتێن مرنێ و خەندقینێ چێبووینە.

بەحسا وێ یەکێ ژی کر، هەژمارەکا زێدەیا برینداران ب سەدەما پالپێڤەنانێ و قەرەبالغیا دروستکرن لهەمبەری دەرگەهێ گۆڕێ ئیمام حوسێن د دەمێ ڕاکرنا (توەیرج) دا بوویە.

ڕاکرنا (توەیرج) یەکە ژ گرنگترین کارێن کو د ڕێوڕەسما عاشورایێ دا شوینکەفتیێن شیعە مەزهەب دکەن ل نێزێک قەزایا توەیرجە ل پارێزگەها کەربەلا کو پێنج کیلۆمەترا ل ناڤەندا باژاڕێ کەربەلایێ دویرە و هەر ژ بەر وێ یەکێ یە کو ب وی ناڤی هاتیە ناڤکرن.