سەرنووچە:

ئەو کچا کو بەریا سێ ڕۆژان نووچەیا خەندقینا وێ ل زاخۆ بەلاڤبوویی یاساخە

فۆتۆ: 
2019-08-21

3747 جار خوێندراوەتەوە

دیجیتال میدیایا ئێن ئاڕ تی، دهۆک، بێوار حلمی

ئەو کچا ئاوارەیا بەریا سێ ڕۆژان نووچەیێ خەندقینا وێ د ئاڤا پرا خانێ دا ل باژێرێ زاخۆ بەلاڤبوویی، نەکەفتیە د ئاڤێ دا و د ژیانێ دا مایە.

ئارام محەمەد ڕێڤەبەرێ توندوتیژیا دژی ژنان و خێزانان ل دهۆکێ بۆ دیجیتال میدیایا ئێن ئاڕ تی ڕاگەهاند، ئەو کچا ب ناڤێ (ز- ح - م) کو بەریا سێ ڕۆژان نووچەیێ خەندقینا وێ د ئاڤا پرا خانێ یا زاخۆ دا بەلاڤبووی، ڕاست نینە و ناڤبری یا ساخە و ژ ئالیێ ڕێڤەبەریا توندوتیژیان یا دژی ژنان لقێ زاخۆ یا پاراستیە.

دیارکر ژی، ڕۆژا ١٨ێ ڤێ مەهێ ئەو نووچەیە هاتبوو بەلاڤکرن و ڕۆژا دیڤدا کچەکێ خۆ گەهاندیە ڕێڤەبەریا وان و پشتی ڤەکۆلینێ دگەل دا دەرکەفتیە ئەو کچەیە کو نووچەیا خەندقینا وێ بەلاڤببوو.

بەحسا وێ یەکێ ژی کر، ناڤبری نها ژ ئالیێ ڕێڤەبەریا وان لقێ زاخۆ یە و یا ساخە و کەسەک ژی لسەر ڤێ کەیسێ لگۆری مادەیێ ٤٢١ یێ سزادانا عێراقێ هاتیە دەستەسەرکرن.

ڕۆژا ١٨ێ ڤێ مەهێ بێوار عەبدلعەزیز بەرپرسێ راگەهاندنا بەرەڤانیا باژارێ دهۆکێ بۆ دیجیتال میدیایا ئێن ئار تى راگەهاند، کچەکەکا تەمەن ٣٠ سالی بناڤێ (ز- ح - م)  د ئاڤا پرا خانێ یا باژێڕێ زاخۆ دا خەندقیە، تێمێن نقومەڤان ل جهێ بوویەرێ بەرهەڤبوونە و لێگەریانا لدیف تەرمێ وێ یا بەردەوامە.

س.م