سەرنووچە:

وەزارەتا دارایێ دەربارێ پارڤەکرنا موچەى د ڤێ حەفتیێ دا زەلالکرنەک دا

وەزارەتێ پارەیێ پێتڤى دبەردەستدا نینە
فۆتۆ: 
2019-08-20

5298 جار خوێندراوەتەوە

دیجیتاڵ میدیای ئێن ئاڕ تی، هەولێر، هێرش قادر

ژێدەرەک ژ وەزارەتا دارایا هەرێمێ راگەهاند، حکومەتا هەرێمێ چاڤەرێى هنارتنا پارلەیێ بەغدایە ژ بۆ کو دەست ب پارڤەکرنا موچەى بهێتە کرن، لێ بەغدا هەیا نها چ برە پارەک نەشاندیە  و وەزارەتێ ژى پارەیێ پێتڤى د بەردەست دا نینە

ژێدەرەک ژ وەزارەتا دارایا هەرێمێ بۆ  دیجیتاڵ میدیای ئێن ئاڕ تی راگەهاند، هەرچەندە رۆژا دووشەمبیێ حکومەتا هەرێمێ چاڤەرێى هنارتنا پارەیێ بەغدابوو، لێ هەیا نها بەغدا رێکارێن هنارتنا پارەى تمام نەکرنە.

ئاماژە ژى کر، ب وێ سەدەمێ ئەڤرۆ و سوبەهى ژى نکارن موچەى دابەش بکەن و لیستا موچەى دێ راوەستیت هەیا بەغدا پارەى دهنێریت.

ئەو یەک ژى ئاشکرا کر، هەیا نها دیار نینە کو پارە کەنگى دێ ل بەغدا هێت ، لێ هەر دەما پارە گەهشت دێ دەست ب پارڤەکرنا موچەیێ تەڤاهیا وەزارەتان کەن.

هەیا نها وەزارەتا دارایێ مووچەیێ بەشەکا کێم یا وەزارەتان پارڤەکریە و ئەڤ موچەیێ هاتیە پارڤەکرن موچەیێ گۆلانا ٢٠١٩ێ یە و شەشەم موچەیە کو بێ پاشکەفت دهێتە پارڤەکرن.