سەرنووچە:

بەڕەڤانیا باژێرێ دهۆکێ ئامارێن ڕۆژێن جەژنێ بەلاڤکر

فۆتۆ: 
2019-08-18

192 جار خوێندراوەتەوە

بەڕەڤانیا باژێڕێ دهۆکێ ئامارێن ڕۆژێن جەژنێ بەلاڤکر، ڕاگەهاند د چار ڕۆژێن جەژنێ دا دوو کەس د ئاڤان دا خەندقینە و ٦١ بوویەرێن ئاگربەربوونێ ڕوودانە.

بێوار عەبدولعەزیز پەیڤدارێ بەرەڤانیا باژێرێ دهۆکێ د کۆنفراسەکا ڕۆژنامەڤانی دا دازانین، د چار ڕۆژێن جەژا قوربانێ دا ل سنورێ پارێزگەها دهۆکێ دوو کەس د ئاڤان دا خەندقینە کو کەسەک ل بەردەڕەش و کەسەکێ دی د بەنداڤا دهۆک دا بوویە، ب گشتی ژی ل دەستپێکا ئەڤ سالە و هەیا نها ٢٢ کەس د ئاڤان دا خەندقینە کو لاشەیێ سێ ژ وان هەیا نها نەهاتیە دیتن و ١٥ کەس ژی هاتنە قورتالکرن.

دیارکر ژی، هەر د ڕۆژێن چەژنێ دا ٦١ بوویەرێن ئاگربەربوونێ ڕوودانە، کو ٥٤ ژ وان پیشوپەلەخ بوونە و یێن دی جوراوجور  بوونە، ب گشتی ل دەستپێکا ئەڤ سالە و هەیا نها هزار و ٨٣٠ بوویەرێن ئاگربەربوونێ ڕوودانە و د ئەنجامێ دا ١٣ کەسان جانێ خۆ ژ دەستدانە و ٢٧ کەسێن دی ژی برینداربوونە.

پەیڤدارێ بەرەڤانیا باژێرێ دهۆکێ ئەو یەک ژی ئاشکراکر، ژ ئەنجاما وان بوویەرێن ئاگربەربوونێن ل دەستپێکا ئەڤ سالە و هەیا نها هاتنە تۆمارکرن ٢ هزار دۆنمێن گەنمێ وەلاتیان شەوتینە و ب کۆژمێ ٤ ملیار دیناران زەرەرێن مادی هەبوونە.

س.م