سەرنووچە:

سێمێل.. هەژمارەکا وەلاتیێن گوندەکێ خرڤەبوون و ڕێیا کۆمپانیایەکا پەترۆڕلێ داخستن

داخوازا دەلیڤەیا کاری دکەن
فۆتۆ: 
2019-08-18

331 جار خوێندراوەتەوە

دیجیتال میدیایا ئێن ئاڕ تی، دهۆک، بێوار حلمی

هەژمارەک وەلاتیێن گوندێ بەراڤێ یێ سەر ب ناحیەیا باتێلێ خرڤەبوونەک لدارخستن و بۆ دەمەکێ ڕێیا هاتنوچوونا تڕۆمبێل و کارمەندێن کۆمپانیایەکا پەتڕۆلێ داخستن.

نووچەگەهانێ دیجیتال میدیایا ئێن ئاڕ تی ڕاگەهاند، دەمژمێر شەشێ سەرێ سپێدەهیا ئەڤرۆ یەکشەمبیێ (١٨ێ تەباخا ٢٠١٩ێ) هەژمارەک وەلاتیێن گوندێ بەراڤێ یێ سەر ب ناحیەیا باتێلێ یا گرێدایی قەزا سێمێلێ خرڤەبوونەکا نەڕازیبوونێ لدارخستن، بۆ دەمەکێ ڕێیا هاتنوچوونا تڕۆمبێل و کارمەندێن کۆمپانیایەکا پەتڕۆلێ داخستن و نەهێلان بچن سەر کارێن خۆ.

دیارکر ژی، پشتی گەهشتنا هێزێن ئەولەهیێ بۆ وی گوندی ڕێ لهەمبەر هاتنوچوونا کارمەند و تڕۆمبێلێن کۆمپانیایێ هاتە ڤەکرن.

دەربارەی سەدەما خرڤەبوونێ نووچەگەهانێ دیجیتال میدیایا ئێن ئاڕ تی دازانین، کو پارزینگەهەکا پەتڕۆلێ ل وی سنوری هەیە و ئاکنجیێن وی گوندی ژی دبێژن، وان چەندین جاران داخواز ژ وێ کۆمپانیایێ و ئالیێن پەیوەندیدار کریە، دەلیڤەیێن کاری د وێ پارزینگەهێ دا ب وان بهێنە دان، لێ داخوازیێن وان نەهاتنە جیبجیکرن.

ئەڤ خرڤەبوونە ژی دەمەکێ دایە، کو ل ڕۆژا ٧ێ ڤێ مەهێ وەلاتیێن گوندێ گۆجار یێ سەرب ناحەیەیا بجیلێ یا گرێدایی قەزا ئاکرێ ژبەر نەدامەزارندنێ لسەر بیرەکا پەترۆلێ ل وی سنوری خرڤەبوون و چوونە هەمبەر بیرا پەتڕۆلێ، پشتڕا د بزاڤا بەلاڤەکرنا خرڤەبوونێ دا شەڕ د ناڤبەر هێزێن ئەولەهیێ و وەلاتیان دا دەرکەفت، ب وێ سەدەمێ ژی ٣٦ کەس ژ هەردوو ئالیان برینداربوون.

س.م