سەرنووچە:

وەزارەتا رۆشنبیریێ دەربارێ کلیپا ماریا هەورامى زەلالکرنەک بەلاڤکر

فۆتۆ: 
2019-08-17

918 جار خوێندراوەتەوە

وەزارەتا رۆشنبیریێ د زەلالکرنەکا خۆ دا پشتەڤانى بۆ هونەرمەند ماریا هەورامى کەز کر و داخواز ل وەزارەتا ئەوقاف و تەفاهیا ماموستایێن ئۆلى کر " رێکێ نەدەت سڤکاتیێ ب  هونەرمەندان بکەن".

د زەلالکرنا وەزارەتا رۆشنبیریێ دا هاتیە، " جهی دلگرانیێ یە لسەر ئاخفتنە و ناڤئینانا وێ خاتینێ ژ ئالیێ ماموستایێن ئاینى ڤە ب ناڤێ دینى ، ب زمانەکێ کو ل کەسەکێ ئاسایى و سنێلەکێ نەیا جوانە  ، نەکو مامموستایەکێ ئاینى کو  لسەر مینبەرا مزگەفتێ گوتارێ دەربارێ رەوشتى بخوینیت، د دەمەکێ دا د سترانێ دا چ پەیڤ و وێنەک تێدا نەبوو و نینە کو هەڤدژ بیت دگەل کەلتورێ کوردەواریێ دا".

ئاماژە ب وێ یەکێ ژى دا " کەلتورێ هونر و ستران گوتنێ ل کەڤن دا مۆرکا ناسکرى و دیرۆکى یا کورد بوویە ، یەک ژ مللەتێن دیرۆکى یێن دەڤەرێ کو زەنگین هونەرێ ستران گوتنێ و تەفاهیا سێکتەرێن ڤى بیاڤى بوویە".

وەزارەتا رۆشنبیرى داخواز ل وەزارەتا ئەوقاف و ماموستایێن ئۆلى ژى کریە " رێکێ نەدەت ب هەر هێجەتەکێ سڤکاتیێ ب  هونەرمەندان بکەن".