سەرنووچە:

سەرۆکێ نوو یێ فراکسیۆنا یەکێتیێ د پەرلەمانێ کوردستانێ دا هاتە دیارکرن

فۆتۆ: 
2019-08-14

475 جار خوێندراوەتەوە

دیجیتال میدیایا ئێن ئاڕ تى، سلێمانى، کارزان تاریق

فراکسیۆنا یەکێتیێ د پەرلەمانێ کوردستانێ دا جەمال حەوێزی وەک سەرۆکێ نوو یێ فراکسیۆنێ دیارکر.

چاڤکانیەکێ ل فراکسیۆنا یەکێتیێ د پەرلەمانێ کوردستانێ دا بۆ ئێن ئاڕ تی ڕاگەهاند، پشتی بێگەرد تالەبانی ڤالاهیەک د فراکسیۆنا وان دا دروستبوویە، هەر ژبەر وێ یەکێ بۆ تژیکرنا وێ ڤالاهیێ د ناڤ خۆ دا جەمال حەوێز وەک سەرۆک فراکسیۆن دیارکریە.

بەحسا وێ یەکێ ژی کر، "ژبەر کو جەمال حەوێز بتەمەنترین پەرلەمانتارێ فراکسیۆنێ یە، تەڤاهیا پەرلەمانتاران ڕازیىوون کو وەک برایێ مەزن و سەرۆکێ فراکسیۆنێ دیار بکەین و د هەموو سەرەدان و جڤینان دا ژی دێ ڕوولێ سەرۆک فراکسیۆن گێڕیت".

ئەڤە ژی دمەکێ دایە، پێشتر بێگەرد تالەبانی سەرۆکا فراکسیۆنا یەکێتیێ بوو د پەرلەمانێ کوردستانێ دا، لێ پشتی دەستنیشانکرنا وێ وەک وەزیرا چاندنێ و ژێدەرێن ئاڤێ، دەستبەردارا پۆستێ سەرۆک فراکسیۆنا حزبا خۆ بوو.

س.م