سەرنووچە:

ئیدلب.. ئارتێشا سوریا باژارۆکێ هەبیت کۆنترول کر

داویى ناڤچەیا کێمکرنا ئالوزیانە
فۆتۆ: 
2019-08-12

85 جار خوێندراوەتەوە

ئارتێشا سوریا باژاروکێ هەبیت یا گرێدایى پارێزگەها ئیدلبێ کونترول کر کو داویى ناڤچەیا کێمکرنا ئالوزیانە و دبن کونترولا هێزێن چەکدار یێن ئوپوزسیونێ دا بوو .

باژاروکێ هەبیت پێگەهەکێ ستراتیژیى هەیە و دەریەکە بو ئیدلبێ و باژارێ خان شەیخون و نزیکە ژ وێ رێکێ کو  بلەزگینى باژارێ دیمەشقێ ب باژارێ حەلەبێ ڤە گرێدایە .

ئەڤە ئێکەم دەستەکەڤتا لەشکەرێن ئارتێشا حکومەتێ یە ژ دەستپێکا وان ئێرشان کو دەما ٣ مەهانە دەستپێکریە و پشتى گوتوبێژێن ڤێ داویێ یێن ئەستانێ بو راگەهاندنا ئاگربەستێ ، لهەڤهاتن لسەر هاتە کرن و هاتە هەلوەشاندن .

زێدەباری کو هێزێن ئۆپۆزسیۆنێ دانپیدان ب شکەستنێ کربوو ، لێ ئارتێشا حکومەتێ پێداگیریێ دکەت کو پشتى شەروپەڤچوونێن توند دگەل چەکدارێن گرێدایى رێکخراوا قاعیدە ، ئەو باژار کونترول کر و نزیکى ١٠٠ چەکدار تێدا هاتنە کوشتن .

ئەڤە ژى د دەمەک دایە ، چەکدارێن ئوپوزسیونێ هێشتا پرانیا پارێزگەها ئیدلب و بەشەک ژ پارێزگەهێن حەلەب و حەما و لازقیە د دەستان دا مایە و تورکیا ژى پشتەڤانیێ لێ دکەت .