سەرنووچە:

مەسعود بارزانی: پێدڤیە چارەسەرەک بۆ تۆپبارانێن دەڤەرێن سنوری بهێتە دیتن

فۆتۆ: 
2019-08-12

361 جار خوێندراوەتەوە

مەسعود بارزانی ڕاگەهاند، پێدڤیە چارەسەرەک بۆ تۆپبارانێن دەڤەرێن سنوریێن ژ ئالیێ تورکیا و ئیرانێ ڤە بهێتە دیتن.

بارزانی د سەرەدانەکێ دا بۆ قەزا چۆمان دیارکر، پێدڤیە ئەو ئاریشەیە ب ئاوایەکێ بهێتە چارەسەرکرن کو جارەکا دی خوینا کوردان ب دەستێ کوردان نەهێتە ڕێژتن، ژبەر کو ئەگەر ئەو ئومێدە نەمینیت هەموو تشت دێ ب دۆماهیک هێت.

گوت ژی، ئەوێن دخوازن هەرێمێ تووشێ ئاریشەیێ بکەن، پێدڤیە وی کاری نەکەن و ڕەوشا هەرێمێ لبەرچاڤ بگرن هەیا کو ئاسایش و ئارامیا دەڤەرێ یا پاراستی بیت.

ئەڤە ژی دەمەکێ دایە، ڕۆژانە بالەفرێن شەڕێن تورکیا و تۆبخانەیێن ئیرانێ ب هێجەتا هەبوونا بنگەهـ و بارەگەهێن پەکەکێ و هێزێن کوردیێن ڕۆژهەلاتێ کوردستانێ دەڤەرێن سنوریێن هەرێمێ بۆمبەباران و تۆپباران دکەن.

بۆمبەبارانێن وان دوو ولاتان د دەمێن دەربازبوویی دا بوویە سەدەما شەهیدبوونا دەهان و برینداربوونا سەدان وەلاتیێن سڤیل و زەرەرێن مادیێن زێدە ژی بەر گوند و دەڤەرێن سنوری گەهاندنە، هەر ب وێ سەدەمێ ژی سەدان گوند هاتنە ڤالاکرن و ئاکنجیێن وان ژ ترسا بۆمبەبارانان نەشێن ڤەگەڕنە سەر مال و وارگەهێن خۆ.

س.م