سەرنووچە:

زاخۆ.. جارەکا دی ئاگر ب دوو خیڤەتێن کەمپا چەمشکۆ کەفت

د ١٠ ڕۆژێن دەربازبوویی دا ئەڤە شەشەم جارە
فۆتۆ: 
2019-08-12

315 جار خوێندراوەتەوە

دیجیتال میدیایا ئێن ئاڕ تی، زاخۆ، ئەحمەد زاخۆیی

جارەکا دی د دوو دەمێن جودا دا ئاگر ب دوو خیڤەتێن ئاوارەیێن کەمپا چەمشکۆ ل زاخۆ کەفت و ب تەمامی شەوتین.

نووچەگەهانێ دیجیتال میدیایا ئێن ئاڕ تی ل زاخۆ ڕاگەهاند، پشتی نیڤرۆیا دوهی (١١ێ تەباخا٢٠١٩ێ) ئاگر ب خیڤەتەکا ئاوارەیێن کەمپا چەمشکۆ ل زاخۆ کەفت و ب تەمامی شەوتی.

دازانین ژی، دەمژمێر ١ و ٣٠ خولەکێ شەڤا دەربازبوویی ژی جارەکا دی ئێک ژ خیڤەتان ل هەمان کەمپێ ئاگر پێکەفت و ب کەلوپەلڤە شەوتی.

دەربارەی ڤێ یەکێ خودان خیڤەت و بەشەک ژ ئاوارەیێن ناڤ کەمپێ بۆ دیجیتال میدیایا ئێن ئاڕ تی دانەخویاکرن، کو ئەڤ دوو بوویەرە ب دەست هاتنە کرن و نە ژ شورتا کارەبێیە وەک بوویەرێن بەرێ و داخوازکرن، ئالیێن پەیوەندیدار دیڤچوونێ لسەر ڤێ یەکێ بکەن و وی دەستی ئاشکرا بکەن.

لسەر ڤێ یەکێ ژی ئێن ئاڕ تی پەیوەندی ب کارگێریا کەمپا چەمشکۆ کر، لێ بەرسڤا پەیوەندیێ نەدا.

د ١٠ ڕۆژێن دەربازبوویی دا ئەڤە شەشەم جارە ئاگر ب خیڤەتێن کەمپا چەمشکۆ یا زاخۆ دکەڤیت و زەرەرێن زێدە یێن مادی بەر ب ئاوارەیان و کەمپێ کەفتن، د بوویەرا ئێکێ و دوویێ دا تیمێن ئاگرڤەمراندنێ و کارگێریا کەمپێ پشتی ڤەکۆلینان ڕاگەهاندن، ئاگر بسەدەما شورتا کارەبێ بوویە، لێ د ڤان بوویەرێن دۆماهیکێ دا چ داخویانی لسەر نەهاتنە دان و ڕێک ژی ب دەزگەهێن ڕاگەهاندنێ نەهاتیە دان بچنە ناڤا کەمپێ.

س.م