سەرنووچە:

تورکیا گۆتۆبێژا کڕینا بالەفرا سو-٣٥ یا رووسی دکەت

فۆتۆ: 
2019-08-12

177 جار خوێندراوەتەوە

ڕۆژنامەیا یەنی شەفەقا تورکی د ڕاپۆرتەکێ دا بەحسا وێ یەکێ کریە، دەستهەلاتدارێن ئەنقەرە گۆتۆبێژا کڕینا بالەفرا شەڕی یا سو-٣٥ یا رووسی دکەن، پشتی کو ئەمریکا ناڤێ تورکیا د لیستا ولاتێن پشکدار د بەرهەمئینانا بالەفرا ئێف-٣٥ دا دەرکری.

ڕۆژنامەیێ ژ دەڤێ چەند چاڤکانیێن لەشکەریێن تورکیا دایەزانین، بەرپرسێن بلندێن تورکیا داخواز ژ فەرماندەیێ هێزێن چەکدارێن ولاتێ خۆ کرنە، گۆتۆبێژا ئەگەرا کڕینا بالەفڕا شەڕی یا سو-٣٥ یا رووسی وەک جێگرا بالەفرا ئێف-٣٥ یا ئەمریکی بکەن.

دیارکریە ژی، بۆ وێ مەرەمێ ئەنقەرە ب فەرمی دەست ب گۆتۆبێژان دگەل کۆمپانیا "ڕووس ئۆپرۆن ئێکسپۆرت"ا رووسی یا تایبەت ب هنارتنا چەکی بۆ درڤە کریە، دەربارەی لهەڤهاتنەکێ بۆ کڕینا هەژمارەکا بالەفرێن شەڕیێن رووسیا ئەگەر ڕازیبوونا ئارتێشا تورکیا وەرگرن.

هەیا نها بەرپرسێن تورکیا بەرسڤا ڕاپۆرتا یەنی شەفەق نەدانە، لێ کۆمپانیا روستیخ ڕاگەهاندیە، رووسیا بەرهەڤە بالەفرا سو-٣٥ بدەتە وی ولاتی ئەگەر ئەنقەرە خواستا کڕینێ هەبیت.

س.م