سەرنووچە:

هەدەپە دەربارەی هەبوونا پەیوەندیێ دگەل تۆهمەتبارێ بوویەرا هەولێرێ هاتە دەنگ

فۆتۆ: 
2019-07-21

1106 جار خوێندراوەتەوە

نوونەرێ هەدەپێ ل هەرێمێ ڕاگەهاند، مەزلوم داغ تۆهمەتبارێ بوویەرا هەولێرێ چ پەیوەندیەک دگەل هەدەپێ و نوونەراتیا هەدەپێ نەبوویە.

عابد ئیکە بۆ دەنگێ ئەمریکا بەحسا وێ یەکێ کر، چ پەیوەندی و دیتنەک د ناڤبەرا وان دا نەبوویە و ئاسایشا هەرێمێ ژی دکاریت ڤەکۆلینا خۆ بکەت.

زەلالکر ژی، " حکومەتا هەریمێ چ پەیوەندی ب مەڤە نەکریە، ژبەر کو ئەو کریار کارێ مە نینە و سیاسەتا هەدەپێ ل باکورێ و تەڤایا دنیایێ ئەوە  کو ڕەخنەیێ ژ سیستەمان د گریت و داخوازا دیموکراسیێ دکەت و ناخوازن خەلکێ سڤیل بکوژن و وانا باوەری ب خەبات و تێکۆشانا مەدەنی هەیە."

دەربارەی تۆهمەتباری سەرەکی کو چەند میدیایێن تورکی وەک برایێ پەڕلەمانتارەکێ هەدەپێ ناڤێ وی هینایە، نوونەرێ وێ پارتێ ل هەرێمێ بەحسا وێ یەکێ کر، هەرکەسەکێ باوەری و ئازادیا تایبەت ب خۆ هەیە و ئەو یەک ژی نابیتە ئاریشە بۆ پەڕلەمانتارێ هەدەپێ.

ئەڤەژی د دەمەکێ دایە پشتی دەستەسەرکرنا دوو کەسان ب تۆهمەتا تەقەرکرنێ ل دیبلۆماتکارێ تورکی د ڕێستورانتەکا هەولێرێ دا،چەند مدیایێن تورکی وەسا بەلاڤکر کو تۆهمەتبارێ سەرەکی یێ بوویەرێ ( مەزلوم داغ) برایێ پەڕلەمانتارەکێ هەدەپێ یە و دویفدا وێ پارتێ د ڕاگەهاندنەکێ دا ڕاگەهاند، ب چ ئاوایەکێ قبول ناکەن پەڕلەمانتارەکێ وانا بهێتە دەستەسەرکرن یان ڕێگری بۆ بهێتە دروستکرن ب هێجەتا ناڤێ برایەکێ وی د بوویەرا هەولێرێ دا.

س.ع