سەرنووچە:

ئاشتی هەورامی پۆستەکا نوو د جڤاتا وەزیران دا وەرگرت

فۆتۆ: 
2019-07-20

1973 جار خوێندراوەتەوە

ئاشتی هەورامی وەک ئالیکارێ مەسرور بارزانی سەرۆکێ جڤاتا وەزیران دەستبکاربوو.

هەرلگۆڕەی وان زانیاریێن کو دەست ئێن ئاڕ تی کەفتیە، هەریەک ژ ئاشتی هەورامی و ڕێباز حەملان وەک ئالیکارێ مەسرور بارزانی سەرۆکێ سەرۆکێ جڤاتا وەزیران هاتینە دیاریکرن.

هەرلگۆڕەی زانیاریان، ئاشتی هەورامی وەک ئالیکارێ مەسرور بارزانی بۆ کارو بارێ وزە و سامانێن سروشتی د نها دا دەست بکاربوویە.

ڕێباز حەملانى ژی وەک ئالیکارێ مەسرور بارزانی بۆ کارووبارێ دارایی هاتیە دانان لێ هەیا نها دەست بکارنەبوویە.

هەر لگۆڕەی زانیاران وان دوو پۆستان هەڤئاوایێ پۆستا وەزیرەکی مامەلە دگەل دهێتە کرن.

هەڤدەم ژ بلی زێدە بوونا دوو وەزیران د ڤێ کابینەیێ دا ئەو ژی وەزیرێ هەرێمێ بۆکاروبارێ بەغدا و وەزیرێ هەرێم بۆ کاروبارێن پێکهاتەیان و هژمارەکا ئالیکاران ژی بۆ جڤاتا وەزیران هاتیە زێدە کرن.

ڕۆژا ١٠ێ تەموزێ پەڕلەمانێ کوردستانێ ب دەنگێ ٨٨ پەڕلەمانتاران مەسرور بارزانی وەک سەرۆکێ حکومەتێ و قوباد تالەبانی ب دەنگێ ٧٣ پەڕلەمانتاران وەک جێگرێ سەرۆکێ حکومەتێ هاتیە دیاریکرن، هەروەسا ژ بلێ وەزارەتا سامانێن سروشتی، وەزیرێن دی یێن کابینەیا نوو یا حکومەتێ باوەری پێهاتەدان و تەڤایا وان سویندا یاسایی خار.

س.ع