سەرنووچە:

ئەلمۆنیتەر: ئەو بەرپرسێ د خارنگەها هەولێرێ دا هاتی کوشتن میت بوو

بوویەرا هەولێرێ
فۆتۆ: 
2019-07-20

2016 جار خوێندراوەتەوە

ڕووپەلەکا ئەمریکی ئاشکراکر، ئەو بەرپرسێ تورک یێ د خارنگەهەکا هەولێرێ دا هاتی کوشتن ئەندامێ دەزگەهێ ئیستیخباراتیێ تورکیا (میت) بوویە.

چاڤکانیەکێ ئاگەهدار بۆ ڕووپەلا ئەلمۆنیتەر یا ئەمریکی ڕاگەهاندیە، عوسمان کۆسە ئەندامێ دەزگەهێ میتا تورکیا بوویە و بەرپرسێ کاروبارێ ئیرانێ بوویە، بۆ ئەرکەکێ شەش مەهی د کونسولخانەیا تورکیا دا هاتیە ئەرکدارکرن.

وی چاڤکانیێ کو نەخواستیە ناڤێ وی بهێتە ئاشکراکرن بۆ ڕووپەلێ ڕاگەهاندیە، ئەندامێ میتێ د خارنگەهێ دا دگەل هەژمارەکا هەڤکارێن خۆ دا بوویە کو کەس ژ وان د کونسولخانەیا تورکیا دا کار ناکەن.

بەحسا وێ یەکێ ژی کریە، وی بەرپرسێ میتێ چ پلە و پۆستەک د وەزارەتا دەرڤەیا تورکیا یان هەر ناڤەند و دەزگەهەکێ دی یێ سەر ب وێ وەزارەتێ دا نەبوویە، بەرڤاژی وێ یەکێ کو د میدیایان دا وەک جێگرێ کونسولێ تورکیا بناڤدکر.

ڕووپەلێ دیارکریە ژی، هەیا نها سەدەما کوشتنا وی کارمەندێ میتێ ئاشکرا نەبوویە، لێ لگۆری بەرپرسەکێ حکومەتا هەرێمێ کو نەخواستیە ناڤێ وی بهێتە  ئاشکراکرن، د ڤەکۆلینان دا ئاشکرابوویە کو گەلەک ب هووری پلان بۆ هێرشێ هاتیە دانان.

هەڤدەم کەنالێ "ئا هەبەر" یێ تورکی بەلاڤکریە، بەرپرسێن ئەولەهیێ یێن تورکیا ڤەکۆلین لسەر جهێ بوویەرێ کرنە.

ئەڤە ژی دەمەکێ دایە، پێستر حکومەتا هەرێم و تورکیا بەحسا وێ یەکێ کرن ئەو کەسێ کو هاتیە کوشتن دیپلۆماتکار بوویە و د کونسولخانەیا تورکیا دا کار کریە، ئەڤە یەکەمجارە بهێتە ئاشکراکرن کو کارمەندێ میتێ بوویە.

چاوانیا ڕوودانا بوویەرێ

جهێ بوویەرێ:

ئەو خارنگەها کو دیبلۆماتکارێ تورکیا تێدا هاتیە کوشتن دکەڤیتە ناڤ پڕۆژەیێ ئیمپاریەر د ناڤبەرا جاددەیا سەد مەتری و چل مەتری دا و پڕۆژەیێ باژاڕێ خەونان ژی ب ڕەخڤەیە و ژ ئالیەکێ دی هۆلا سەعد عەبدولا و هوتێل دیڤانە و تنێ دوو کیلۆمەتر و نیڤ ژ ئاڤاهیا جڤاتا وەزیران و پەرلەمانی دورە د ئێمناهیترین و پاراستیترین دەڤەرا هەولێرا پایتەختێ دا بوویە.

هێرشکەران چاڤدێریا جهێ وان کریە:

لگۆڕی میدیایێن تورکیا بەریا بوویەرا هەولێرێ ئەو کەسێن هێرش کرنە چاڤدێریا جهی کریە و پشتی وێ یەکێ کو دیبلۆماتکارێ تورکیا ترۆمبێلا خۆ دەبتە گەڕاجی دیڤدا دچیتە ژورێ و هێرشکەر تڕۆمبێلا خۆ ل هەمان جهێ ترۆمبێلا وی ڕادگرن.

چەند کەسان هێرش پێکئینایە؟

Image result for ‫هەولێر کونسول‬‎

هەر لگۆڕی میدیایێن تورکیا کو تەماشەیا کامیرەیا چاڤدێریا خارنگەهێ کرنە، سێ کەسان هێرش پێکئینایە و پێنج خولەکان بەریا چوونە ژوورا دێبلۆماتکارێ تورکیا چووینە هەمان جهـ و دوو ژ وان چووینە ژوورێ و یەک ژ وانا د ناڤ ترۆمبێلێ دا چاڤەڕێ کریە.

ئەو دوو کەسێن چووینە ژوور چاوا دیپلۆماتکار کوشت؟

Image result for huqqabaz erbil

لگۆر کامیرەیێن چاڤدێریێ، پشتى چوونە ژوور ئەو دوو چەکدار ل مێزا دیپلۆماتکاران نێزیک دبن و راستەۆخۆ تەقە لێ کریە.

د هێرشێ دا چ جۆرە چەکەک هاتیە بکارئینان؟

Image result for huqqabaz erbil

وەکى د کامیرەیێن چاڤدێریێ دا دەرکەفتى و میدیایێن تورکیا ئاماژێ پێ دکەن، هەردوو چەکداران دەمانجەیێن بێ دەنگ ڤێبوونە و راستەوخۆ پشتى هێرشێ رەڤیاینە.

چارەنڤیسێ وان دوو کەسێن تەقە کرین:

پشتى کو تەقە ل دیپلۆماتکارى دهێتە کرن و درەڤن یەک ژ تەقەکەران ژ ئالیێ زێرەڤانەکێ تایبەت ڤە تەقە لێ دهێتە کرن و دهێتە بریندار کرن و ب بریندارى درەڤیت و خۆ دگەهینیتە ترۆمبێلێ و پێکڤە ل جهێ بوویەرێ درەڤن.

ئەو دیپلۆماتکارێ ل هەولێرێ هاتیە کوشتن کییە؟

عوسمان کۆسە

ئەو کارمەندێ کۆنسۆلخانەیا تورکیا کو ل بوویەرا هەولێرێ هاتیە کوشتن ناڤێ وى عوسمان کۆسەیە و تەمەنێ وى ٣٦ سال بوونە و خێزاندار بوویە و ل باژارێ مێرسین یا تورکیا ژ دایکبوویە، دگەل خێزانا خۆ ل ئەنکەرەیێ ژیاینە و بابێ دوو زارۆکان بوویە.

ئەو دوو کەسێن دى یێن د بوویەرێ دا هاتینە کوشتن:

د بوویەرێ دا دوو کەسێن دى یێن روونشتڤانێن هەرێما کوردستانێ ب ناڤێن نەریمان عوسمان و بەشدار رەمەزان ب سەدەما نێزیکبوونا وان ژ مێزا دیپلۆماتکارێ تورکیا هاتنە کوشتن.

نەریمان عوسمان

Image may contain: 1 person, pool, sky and outdoor

نەریمان عوسمان روونشتڤانێ گوندێ بێشووکا جوندیان یا سەر رەواندوزێ یە و زێرەڤانێ تایبەت یێ ئازاد جوندیانی بوویە.

بەشدار رەمەزان

هەڤدەم بەشدار رەمەزان یێ کو ب سەدەما گرانیا برینێ گیانێ خۆ ژ دەست دای، روونشتڤانێ ناحیا دیانە یا قەزا سورانە.

ڕۆژا ١٨ێ ڤێ مەهێ ژی حکومەتا هەرێمێ ڕاگەهاند، بوویەرا تەقەکرنا هەولێرێ "کریارەکا تیرۆستی بوویە و پلان بۆ هاتیە داڕشتن، ڤەکۆلین بەردەوامن و پێشڤەچون هەنە و ڤان نێزیکان وەلاتیان لسەر ڤەکۆلینان ئاگەهدار دکەین".

هەر د هەمان ڕۆژ دا دەزگەهێ ئەولەهیا هەرێمێ ناڤ و وێنەیێ تۆهمەتبارەکێ هێرشا هەولێرێ بەلاڤکر ڕاگەهاند، "ئەو کەسێ کو وێنەیێ وى هاتیە بەلاڤکرنە ناڤێ وى ( مەزلوم داغ)ـە، ژ دایکبوویێ سالا ١٩٩٢ێ یە و خەلکێ باژارێ دیاربەکرا باکورێ کودستانێ یە، ناڤبرى ژ ئالیێ دەزگەهێ ئەولەهیا هەرێما کوردستانێ یێ هاتیە داخوازکرن".

مەزلوم داغ داخوازکریێ ژ ئالیێ دەزگەهێ ئەولەهیا هەرێمێ

زێدەتری سێ ڕۆژن بسەر بوویەرا هێرشا سەر هەژمارەکا کارمەندێن کونسولخانەیا تورکیا ل هەولێرێ دەربازدبن، ڤیدیۆیا دەما هێرشکرنێ نیشانی چەند میدیایێن تورکی و کوردی هاتیە دان، لێ هەیا نها ئەو ڤیدیۆ نیشانی ئێن ئاڕ تی نەدانە، چ بەرپرسەک دەربارەی بوویەرێ بۆ ئێن ئاڕ تی نائاخڤیت.

ئەڤە ژی دەمەکێ دایە، نیڤرۆیا ١٧ێ تیرمەهێ د بوویەرەکا تەقەکرنێ دا ل خارنگەهەکا باژێرێ هەولێرێ کارمەندەکێ کونسولخانەیا تورکیا و وەلاتیەکێ هەرێما کوردستانێ هاتنە کوشتن و وەلاتیەکێ دی ژی برینداربوو و پشترا دوهی بشەڤ ژبەر گرانیا برینا خۆ جان ژ دەستدا.

س.م