سەرنووچە:

ئەمریکا.. ٥٠٠ هزار دۆلار بۆ نووژەنکرنا پەرستگەها لالش تەرخانکر

فۆتۆ: 
2019-07-18

435 جار خوێندراوەتەوە

دیجیتال میدیایا، ئێن ئاڕ تی ، دهۆک، بێوار حلمی

ماتیۆ تۆلەر بالیۆزێ ئەمریکا ل عێراقێ کوژمێ ٥٠٠ هزار دۆلاران بۆ نوژەنکرنا پەرستگەها لالشێ تەرخانکر.

نووچەگەهانێ ئێن ئاڕ تێ ڕاگەهاند، ئەڤرۆ (١٨ێ تیرمەها ٢٠١٩) شاندەکا ئەمریکا ب سەرۆکایەتیا بالیۆزێ ئەمریکا ل عێراقێ ماتیۆ تۆلەر سەرەدانا پەرستگەها لالش کر، دگەل وەکیلێ میرێ ئیزدیان و جڤاتا ڕۆحانی و هژمارەکا کەسایەتی و ڕۆشنبیرێن ئێزدیان جڤیان.

بەحسا وێ یەکێ ژی هاتیە کرن، بالیۆزێ ئەمریکا کوژمێ ٥٠٠ هزار دۆلارا بۆ نوژەنکرنا پەرستگەها لالشێ تەرخانکر و هەروەسا بەحسا ڕەوشا ئێزدیان د کەمپان و ڤەگەڕیان بۆ سەر مال و حالێن وان هاتیە کرن.

 لسەر چەوانیا نوژەنکرنا پەرستەگەهێ دیارکر، تیمەک ژ زانینگەها پەنسلڤانیا یا ئەمریکا هاتیە پێکئانین بۆ زانینا هورکاری و کەلو پەلێن پێدڤی هەیا کو ب ئاوایەکێ باش بهێتە نووژەنکرن.

ئەڤە د دەمەکێ دایە، بەریا نها بالیۆزێ عێراقێ پشتەڤانیا نوژەنکرنا هەر یەک ژ مەزارێن ( نەبی ناحوم ل ئەلقوش، کەلها هەولێرێ، پەیمانگەها عێراقێ بۆ پاراستنا کلتورو جهێن شوینواری کر.

پەرستگەها لالش یەکە ژ هەرە پەرستگەهێن کەڤنارێن ئیزدیان کو دکەڤیتە سنوری قەزایا شێخان و سەر ب پارێزگەها دهۆکێ یە.

س.ع