فۆتۆ:
2019-07-17
143 جار خوێندراوەتەوە
ڤەلڤینا نەوەى نوێ ڕاگەهاند، پاراستنا سلامەتیا گیان و ئاسایشا نوونەر و دیپلۆماتکار و ڕێکخراوێن نێڤدەولەتى د ناڤ هەرێما کوردستانێ دا ب ئەرکێ حکومەت و دەزگەهێن ئەولەهیێ دزانین.
د راگەهاندنا ڤەلڤینا نەوەى نوێ دا ئەڤرۆ ڕۆژا چارشەمبی ١٧ێ تیرمەها ٢٠١٩ێ بەلاڤکر و ڕاگەهاند، " زێدەبارى شەرمەزارکرنا وێ بوویەرێ، وەک ڤەلڤینەکا سڤیل مە باوەرى ب سەقامگێریەکا سیاسی و ئەولەهی هەیە هەیا دگەهیتە سەقامگێریا ئابورى، کو د داویێ دا خوشگوزەرانیا وەلاتیان ب وێ سەقامگێریا ئەولەهی و سیاسی باش ببیت، ئەم وەها دبینین کو هەمى هێرشەکا چەکدارى و ب تایبەتى ئەو جورە بوویەرێن ژبلی زیانگەهاندن و درۆستکرنا ئالوزیێن زێدەتر د دەڤەرێ دا، کو ئەو بخۆ د ئالوزیێن زوور دا دەرباسبوونە، هەڤدەم هەمى هێرشێن ل سەر نوونەرێن ولاتان و بیانیان و کونسول و دیپلوماتکاران شەرمەزار دکەین".
ڤەلڤینا نەوەى نوێ د بەیاننامەکێ دا وەسا دبینیت ئەڤ کارە دەستپێکەکا خرابە و دبیت ببیتە سەدەمەک ل داهاتى دا کۆمەلگەها نێڤدەولەتى و وەبەرهێنێن بیانى ل کوردستانێ دوور بکەڤن ، کو ئەڤە ژبلى خرابوونا رەوشا ئابورى ، دێ چاڤدێریا نێڤدەولەتى لسەر دەستهەلاتا کوردى کێم بیت ، ئەڤە ژى هەمى ل دژى نێرین و ستراتیژیا نەوى نوێ نە.
د داویا بەیاننامێ دا تەکەز کریە، پاراستا سلامەتیا گیان و ئاسایشا نونەر و دیبلۆماتکار و رێکخراوێن ناڤدەولەتى ناڤ هەرێما کوردستانێ ب ئەرکێ حکومەت و دەزگەهێن ئەولەهیێ یێن هەرێما کوردستانێ دزانین.
هەڤدەم کارێ حکومەتا هەرێم و دەزگەهێن پەیوەندیدارە کو سالانە بودجەیەکا مەزن بۆ مەلەفێن ئەولەهیێ تەرخان بکەن و چەندین دەزگەهێن ئەولەهیێ هەنە ، کارێ وان ئەوە ڤەکۆلینا هوور و بلەز ل وێ بوویەرا ئەڤرۆ یا باژارێ هەولێرێ بکەن و بکەران ببینن.
ئەڤە د دەمەکێ دایە پشتى نیڤرۆیا ئەڤرۆ تەقە ل رێستۆرانتەکا هەولێرێ هاتە کرن کو کارمەندێن کۆنسۆلخانەیا تورکیا تێدابوون، ئاسایشا هەولێرێ ژى راگەهاند ، ب سەدەما بوویەرێ کارمەندەکێ کۆنسلخانەیێ و وەلاتیەک هاتە کوشتن و یەکێ دى ژى بریندار بوو.
م.ن