سەرنووچە:

دادگەها ئیتالیا سزایێ زیندانیکرنێ بسەر مەلا کرێکار دا سەپاند

 ١٢ سالێن زیندانیکرنێ
فۆتۆ: 
2019-07-15

583 جار خوێندراوەتەوە

ڕادیۆ و تەلەفزۆنا نەرویچى د لاپەرەیێ خۆ دا بەلاڤکر، ئەڤرۆ ڕۆژا دووشەمبی ١٥ێ تیرمەها ٢٠١٩ێ دادگەها ئیتالیا ب تومەتا تیرۆرێ، ١٢ سالێن زیندانیکرنێ ب سەردا سەپاندن.

برینجار میلینج پارێزەرێ مەلاکرێکار حکومێ دادگەهێ ب یەک ژ حوکمێن دژوار بناڤکر و ڕاگەهاند، بریارا دادگەهێ نە یا دادپەروەرە و زێدەگاڤیەکا زێدە تێدا هاتیە کرن.

پشتى زنچیرەکا داخستنێ، ئەڤرۆ جارەکا دى دادگەها پێداچوونا باژارێ بولزانۆی ئیتالیا، دادوەرێ گشتى سزایێ ١٠ سالێن زیندانیکرنێ بسەر مەلا اکرێکار دا سەپاندن، دیف دا دادگەهێ بریارا ب ١٢ سالێن زیندانکرنێ دەرکر.

پارێزەرێ نەرویچى دازانین، یەک ژ دادوەران ڕەتکر کو مەلا کرێکا ئاریشەیا خۆ بۆ دادگەهێ بێژیت و پارێزەرەکێ ئیتالی ژى بۆ خۆ گرتیە، لی هەیا نها نەکاریە پەیوەندیی پێ بکەت، ژبلی وێ چەندێ ژى ڕێکێ نادەن چ پرسیارەکێ د دەمێ دادگەهێ دا بکەت.

ئەڤە ژى د دەمەکی دایە کو د مەها ئادارا ئەڤسالە دا مەلا کرێکار تومەتێن دادگەها نەرویچێ ڕەتکرن، کو تومەتبار کریە ب وی یەکێ کو دخوزیت خیلافەتا ئیسلامی ل کوردستانێ دامەزرینیت.

ب گوتنا دوزگەرێ گشتى یێ ئیتالیایێ مەلا کرێکار ل پشت ڕەوتا چیایە کو بزاڤان دکە بڕێیا توندوتیژیێ حکومەتا هەرێما کوردستانێ ژناڤببە و ل شۆنا وێ خیلافەتا ئیسلامى یا " توندرەو" بگرە، لێ مەلا کرێکار ئەو تومەتە ڕەتکر.

هەیا نها دەستهەلاتا نەرویج دەمێ ڕادەستکرنا مەلا کریکار بۆ ئیتالیایێ ئاشکرا نەکریە.

مەلا کریکار چەند سالە ل ولاتێ نەرویج وەکى پەنابەر دژیت و هەیا نها چەندین جاران ل سەر دوسەیین جوداجودا هاتیە زیندانکرن و دادگەهێ بریارا ئازادکرنێ بۆ دەرکریەڤە.

م.ن