سەرنووچە:

جەبار یاوەر: گەندەلی د تەڤاهیا بیاڤان دا هەیە ب وەزارەتا پێشمەرگە ژی ڤە

د بەرنامەیێ ١٨٠ێ ئێن ئاڕ تی دا
فۆتۆ: 
2019-07-15

679 جار خوێندراوەتەوە

ئەمیندارێ گشتیێ وەزارەتا پێشمەرگەی ڕاگەهاند، لسەر ئاستێ هەرێمێ گەندەلی د تەڤایا بیاڤان دا هەیە ب وەزارەتا پێشمەرگە ژی ڤە، لێ هەیا نها چ کەسەکی بزاڤا ڤەدیتن و چارەسەرکرنێ نەدایە.

ئەمیندارێ گشتیێ وەزارەتا پێشمەرگەی د بەرنامەیێ ١٨٠ێ خولەک کو ئەڤ شەڤە د دەمژمێر نەهو پێنج خولەکێ دا دهێتە پەخشکرن و ڕاگەهاند، ڕەنگە پێنگاڤێن مەزن ب وێ مەرەمێ نەهاڤێتبن بۆ ژ ناڤبرنا گەندەلیێ ب یەکجاری و هەیا نها ژی ڤەکۆلین نەهاتیە کرن و چ کەسەکێ ژی ب مەرەما ڤەکۆلینێ دەربارەی گەندەلێن وەزارەتا پێشمەرگەی سەرەدانا وان نەکریە.

جەبار یاوەر گۆت ژی " د وەزارەتا پێشمەرگە، دیوانا وەزارەتا پێشمەرگەی، دیوانا چاڤدێریا وەزارەتا دارایی، یێن حکومەتا هەرێمێ هەنە، د دەمەکی دا دەستەیا دەستپاکی ژی هەیە لێ بۆچی نکارن دۆسیێن گەندەلیێ ئاشکرا بکەن و بۆچی ڤی کاری ناکەن" ؟

ئەڤەژی د دەمەکی دایە، دەسهەلاتدار و بەرپرسێن هەرێمێ ب خۆ چەندین جارن دانپێدان کریە کو د دەمێ ٢٨ سالێن دەربازبووی یا حکومڕانیا هەریما کوردستانێ شەفاف نەبوونە وتەڤایا جومگەهێن وەلاتی ڤەگرتیە و بۆ وێ مەرەمێ ژی چەندین لیژنە پێکئیناینە، لێ نکارینە ژ ناڤببەن.

س.ع