سەرنووچە:

بسەدەما تەقەیا هێزێن چەکدارێن ئیرانێ کۆلبەرەک هاتە کوشتن

سێ کۆلبەرێن دی ژی برینداربوونە
فۆتۆ: 
2019-07-15

227 جار خوێندراوەتەوە

هێزێن چەکدارێن ئیرانێ ل سنورێ سەردەشت یێ ڕۆژهەلاتا کوردستانێ تەقە ل کاروانەکێ کۆلبەران کر و د ئەنجام دا کۆلبەرەک هات کوشتن و سێ یێن دی ژی برینداربوون.

ڕێکخراوا هەنگاو بۆ مافێن مرۆڤان بەلاڤکر، سپێدەهیا ئەڤرۆ دووشەمبیێ (١٥ێ تیرمەها ٢٠١٩ێ) هێزێن چەکدارێن ئیرانێ ل سنورێ سەردەشتا ڕۆژهەلاتا کوردستانێ تەقە ل کاروانەکێ کۆلبەران کریە و ب وێ سەدەمێ ژی کۆلبەرەک هات کوشتن و سێ کۆلبەرێن دی ژی برینداربوون.

هەنگاو دەربارەی ناسنامەیا وان کۆلبەران ئاشکراکریە، کو کۆلبەرێ جان ژ دەستدایە بناڤێ بریاجی ئیبراهیم زادە بوویە و خەلکێ گوندێ گەوەلانا سەردەشتە، بەحس کریە ژی، ناسنامەیا برینداران نەهاتیە زانین.

ب پشتگرێدان ب ئامارێن کو د د ناڤەندا رێکخراوا هەنگاو بۆ مافێن مرۆڤان دا هاتنە تۆمارکرن د مەها هەزیرانا دەربازبوویی دا هەری کێم ١١ کۆلبەر ل سنورێن ئیرانێ هاتنە کوشتن و بریندارکرن کو پڕانیا وان ب تەقەیا ڕاستەوخۆیا هێزێن چەکدارێن ئیرانێ بوویە.

س.م