سەرنووچە:

لەیلا گوڤەن: پێدڤیە مەسعود بارزانی وێ ئاخا پیرۆز پێشکێشی تورکیا نەکەت

فۆتۆ: 
2019-07-15

1327 جار خوێندراوەتەوە

لەیلا گوڤەن ڕاگەهاند، بارازانی گوتبوو وان برا کوژی نەڤێت، ئەگەر نەڤێت دڤێت وێ وێ ئاخا پیرۆز پێشکەشی تورکیا نەکەن.

پشتی داویئینان ب گرەڤا برسیبوونێ و دوبارە دەستکرن ب کارێن خۆ هەڤسەرۆکا کەجەدێ و پەرلەمانتارا هەدەپێ لەیلا گوڤەن د کۆنفرانسا پارتا دیموکراتا گەلان – هەدەپێ دا ل باژێرێ ئامەدێ دازانین، "من بانگەک بۆ حکومەتا باشور هەیە، کو پشتی هەلبژارتنا سەرۆکێ خۆ، ئەم هیڤیا سەرکەفتنێ بۆ وان دخوازین، ل هەر پارچەیەکا کوردستانی تشتەکێ باش بهێتە کرن ئەم ب دلخۆشیڤە دێ پێشوازیێ لێ کەین، لێ پێدڤیە ئاخا پیرۆز پێشکەشی دەولەتا تورکیا نەکەن".

دیارکر ژی، "ئەو تشت شاشیەکا مەزنە، مەسعود بارزانی گوتبوو مە برا کوژی نەڤێت، ئەگەر براکوژی نەڤێن پێدڤیە ئاخا خۆ بۆ تورکیا ڤەنەکەن، ئەو ئاخ نەیا پارتی یە، ئاخا هەموو باشور و هەر چار پارچەیێن کوردستانێ یە".

بەحسا وێ یەکێ ژی کر، چاوا ل دەما هێرشا چەکدارێن داعشێ کوردان پێکڤە ئەو ئاخە ڕزگارکر، هەروەسا ل شنگالێ هەموو هێزێن کوردی یەکگرتن و ئەو باژێرە ئازادکر، "نها ژی پێدڤیە ئاخا باشورێ کوردستانێ ب تورکیا نەهێتە دان، لهەمبەر ڤێ یەکێ ژی ئەم بێدەنگ نابین و تەماشە ناکەین".

هەڤسەرۆکا کەجەدێ و پەرلەمانتارا هەدەپێ گوت ژی، "ئەم ڤێ هێرشێ وەک هێرش بۆ سەر ئامەد، وان، باتمان و ڕۆحایێ دبینین، چ جوداهیەک د ناڤبەرا مەدا نینە، بانگا وان ژی دکەین یەکێتی و یەکڕێزیا خۆ بهێز بکەن، کوردان ژبلی کوردان چ دۆستەکێ دی نینە".

ئەڤە ژی دەمەکێ دایە، بۆ هەلگرتنا تەجریدا لسەر عەبدولا ئۆجالان لەیلا گوڤەن پەرلەمانتارا هەدەپێ پشتی ٢٠٠ ڕۆژان ژ گرەڤگرتنێ لسەر داخوازا ئۆجالان داوی ب گرەڤێ ئینا، ڕۆژا ١٠ێ تیرمەها ٢٠١٩ێ ژی د ڕۆنشتنا گشتی یا پەرلەمانێ تورکیا دا سویندا یاسایی خوار و دەست بکارێن خۆ کر.

س.م