سەرنووچە:

ڤیدیۆ.. ماسیەکا بریندار داخوازا هاریکاریێ ژ مەلەڤانەکێ دکەت

فۆتۆ: 
2019-07-14

1652 جار خوێندراوەتەوە

ماسیەکا مەزن ژ جورێ مانتارە، کو ژبەر شۆکەکێ برینداربوویە، داخوزا هەڤکاریێ ژ چەند مەلەڤانێن ئوسترالی دکەت.

ڕووپەلا سی ئێن ئێن گرتەیەکا ڤیدیۆیی بەلاڤکریە، کو د ئاڤەکا ئوسترالیا دا ژ ئالیێ چەند مەلەڤانان هاتیە گرتن و تێدا ئەو ماسی بێ ترس خۆ ژ مەلەڤانان نێزیک دکەت و لەشێ خۆ وەردگێڕیت ژبۆ کو مەلەڤان جهێ برینێ و شۆکێ ببینن.

سی ئێن ئێن بەحسا وێ یەکێ کریە، کو یەک ژ مەلەڤانان پشتی چەند بزاڤان شیایە شۆکێ ژ ماسیا مانتار ڤەکەت.

هەڤدەم فۆتۆگرافەر مۆنتی هۆل لسەر هەژمارا خۆ یا فەیسبووکێ دایەزانین، "ئەم گەلەک ب شەنس بووین کو مە مانتارەکا وەسا یا جوان و بێدەنگ دیت، لێ پشتی چەند خولەکان بۆ مە دەرکەفت کو شۆکەک دبن چاڤێ وێ یێ ڕاستێ دا چەقی بوو، بەردەوام بزاڤ دکرن کو جهێ برین و شۆکێ نیشا مە بدەت".

گوت ژی، "هەرچەندە دیاربوو برینا وێ گەلەکا ب ئازار بوو، لێ د داویێ دا پشتی بزاڤێن زێدە مە شیا ژ وێ شۆکێ ڕزگار بکەین و دیڤدا ماسی بۆ دەمەکێ دگەل مە دا ما.

س.م