سەرنووچە:

ئاکرێ.. گەنجەک هاتە دەستەسەرکرن کو خۆ وەک ئافرەتان لێکریە و خەلک سەردابریە

دان ب تاوانا خۆ دانایە
فۆتۆ: 
2019-07-11

667 جار خوێندراوەتەوە

پۆلیسێن دهۆکێ گەنجەک ل ئاکرێ دەستەسەرکر کو خۆ ب جلێن ئافرەتان د خەملاند و د تۆڕێن جڤاکی دا خەلک بسەردا برینە، دان ب تاوانا خۆ دانایە.

لگۆڕی گرتەیەکا ڤیدیۆی کو ژ ئالیێ پۆلیسێن دهۆکێ ڤە هاتیە بەلاڤکرن، تێدا گەنجەک دانپێدانێ لسەر تاوانەکا خۆ دکەت و دبێژیت، ب ڕێکا تۆڕێن جڤاکی گەنج خاپاندنە و خۆ بۆ وانا کریە کچک، وێنە و ڤیدیۆیێن وان گرتنە و دیڤدا داخوازا پارەیان ل هەمبەر ژێبرنا وان ژێ کرینە و گوتیە، "ئەگەر پارەیان نەدەن دێ وێنە و ڤیدیۆیان بەلاڤ کەم".

هەر د گرتەیا ڤیدیۆی دا بەحسا یەک ژ کارێن خۆ دکەت و ددەتە زانین، کو گەنجەک لسەر تۆڕێن جڤاکی نیاسیە و خۆ وەک کچان بۆ خەملاندیە و کاریە وێنە و ڤیدیۆیان ژ وی گەنجی بگریت و دیڤدا ژی گەفا بەلاڤکرنێ کریە، لهەمبەر ژێبرنا وان داخوازا پارا ژێ کریە.

ئەڤە ژی دەمەکێ دایە، ب سەدەما خراب بکارئینانا تۆڕێن جڤاکی و خاپاندن و گەف لێکرنا وەلاتیان چەندین کەس هاتنە دەستەسەرکرن، هەری داوی ژی لسەر گەفا بەلاڤکرنا وێنەیێن کچەکێ ژ ئالیێ پۆلیسێن دهۆکێ ڤە گەنجەک هاتە دەستەسەرکرن.

س.م