سەرنووچە:

ئەڤرۆ پەرلەمانێ کوردستانێ دێ جڤیت

بۆ لهەڤگوهەرتنا پۆستان
فۆتۆ: 
2019-07-11

191 جار خوێندراوەتەوە

ئەڤرۆ پەرلەمانێ کوردستانێ دێ جڤیت  و لهەڤگوهەرتنا پۆستێ سەرۆکا پەرلەمانى و چەند پەرلەمانتارێن دى کەت.

لدیف ڕاگەهاندنا سەرۆکاتیا پەرلەمانێ کوردستانێ، کارنامەیا ڕوونشتنا ئەڤرۆ ڕۆژا پینجشەمبی ١١ێ تیرمەها ٢٠١٩ێ ب سەرۆکاتیا هێمن هەورامى جێگرێ سەرۆکا پەرلەمانى دێ جڤیت و ژ سێ برگان پێکدهێت.

لدیف  کارنامەیا یەکێ  یا تایبەتە ب سویندا یاسایی بۆ وان پەرلەمانتارێن نوو کو جهێ وان پەرلەمانتاران دگرن، کو پۆستێن حکومى د کابینەیا نوو یا حکومەتێ دا وەرگرتنە.

ژ ڤان چار پەرلەمانتاران پێکدهێن:

-له‌نجه‌ ئیبراهیم عه‌بدولڕه‌حمان ل جهێ ڤاڵا فه‌رید ئیبراهیم.

- شیرین یونس عه‌بدوڵڵا عه‌زیز ل جهێ بێگه‌رد تاڵه‌بانی.

-هیمداد سه‌باح بیلال ل جهێ ئایدن مه‌عروف سه‌لیم.

- باپیر كامه‌لا سه‌لمان ل جهێ عه‌بدوڵڵا مه‌حمود محه‌مه‌د.

برگا دووێ کارنامەیا روونشتنا تایبەت ب میکانیزمێن هەلبژارتنا سەرۆکا پەرلەمانى کو یەکێتی یا نیشتیمانى یا کوردستانێ ڕیواز فایق بۆ وى پۆستى بەربژێر کریە.

برگا سیێ پێکدهێت ژ خواندنا یەکێ بۆ پێشنیارا دیارکرنا رۆژا ٣ێ تەباخا ٢٠١٤ێ وەکى رۆژا کومکوژیا ئێزیدیان.