سەرنووچە:

ترەمپ بۆ هندەک وەلاتان: هوون بخۆ نەفت هەلگرێن خۆ ل کەنداڤێ بپارێزن

فۆتۆ: 
2019-06-24

168 جار خوێندراوەتەوە

دۆناڵد ترەمپ سەرۆکێ ئەمریکا راگەهاند، پێتڤیە وەلاتێن دى بخۆ پارێزگاریێ ل گەشتیێن نەفت هەلگر بکەن کو د بەندەرێ هورمز دا دەرباز دبن.

د تویتەکێ د هەژمارا خۆ یا تۆرا جڤاکیا تویتەرێ دا سەرۆکێ ئەمریکا ئەڤرۆ دووشەمبیێ ٢٤ێ هەزیرانا ٢٠١٩ێ راگەهاند، " بۆچى ئەمریکا گەشتیێن وەلاتێن دى بپارێزیت، بێ چ بەرامبەر و قەرەبوویەکێ".

ترەمپ نڤیسیە " چین ٩١% یا نەفتێ ل بەندەرێ هورمز دەست دکەڤیت، ژاپۆن ٦٢%ێ نەفتا وێ ل هەمان جهە ، پرانیا دەولەتان ب هەمان ئاوای".

پرسیارا وێ یەکێ ژى کر، ئێدى بۆچى وێ رێکا ئاڤى بۆ بەرژەوەندیا وەلاتێن دى بپارێزین، بێ کو چ قەرەبوویەکێ وەربگرین، ژبەر وێ یەکێ دڤێت ئەو وەلاتە بخۆ گەشتیێن خۆ بپارێزن کو هەردەم د مەترسیێ دانە.

هەروەسا دایە زانین، مانا ئەمریکا ل کەنداڤێ پێتڤى نینە، چونگى ب گوتنا وى ئەمریکا بوویە مەزنترین بەرهەمئینا وزێ د جیهانێ دا.

م.س