سەرنووچە:

سەرۆکێ ئەمریکا هەژمارەکا سزایێن نوو ب سەر ئیرانێ دا سەپاندن

ئالوزیێن ناڤبەرا ئەمریکا و ئیرانێ
فۆتۆ: 
2019-06-24

301 جار خوێندراوەتەوە

دۆنالد ترەمپ سەرۆکێ ئەمریکا راگەهاند، هەژمارەکا سزایێن نوو ب سەر ئیرانێ دا سەپاندن و سزا ژى عەلى خامنەئى رێبەرێ بلند یێ ئیرانێ دکەتە ئارمانج.

سەرۆکێ ئەمریکا ئەڤرۆ دووشەمبیێ ٢٤ێ هەزیرانا ٢٠١٩ێ راگەهاند، سەپاندنا وان سزایان وەکى بەرسڤەکێ یە ل دژى ئێخستنا بالەفرا بێ بالەفرڤان یا وەلاتێ وان ژ ئالیێ ئیرانێ ڤە.

لگۆر بریارێ دێ بەشەکا دى یا سەرمایێ ئیرانێ ل دەرڤە هێتە جەمداندن کو ب ملیاران دۆلارانە، هەروەسا ٨ بەرپرسێن بلند یێن ئارتێشا پاسداران ئێخستینە ناڤا لیستا سزایان.

هەڤدەم واشنتن محەمەد جەواد زەریف وەزیرێ دەرڤەیێ ئیرانێ ئێخستە د ناڤا لیستا سزایان دا.

ترەمپ تەکەز کر، بەشەک ژ سزایان بەریا ئێخستنا بالەفرا بێ بالەفرڤان یا وەلاتێ وان گۆتوبێژکربە ژ بۆ کو سەر ئیرانێ دا بسەپینن.

ئەڤە د دەمەکێ دایە، پشتى ئێخستنا بالىفرا بێ بالەفرڤان یا ئەمریکا ل پارێزگەها هومرزگان یا ئیرانێ ، ئالوزیێن وان دوو وەلاتان بەرەڤ قوناغەکا نوو چوون و رۆژ لدیڤ رۆژێ ئالوزیێن ناڤبەرا وان زێدەتر دبن.

م.س