سەرنووچە:

وەزارەتا ناڤخۆ گەشتا دەرڤەى هەرێمێ ژ کارمەندێن خۆ قەدەغەکر

فۆتۆ: 
2019-06-24

2296 جار خوێندراوەتەوە

وەزارەتا ناڤخۆ یا هەرێمێ چوونا کارمەندێن خۆ بۆ دەرڤەى وەلاتى بێ مولەت قەدەغەدکەت.

د نڤیسینەکێ دا کو کۆپیەک بۆ دیجیتال میدیایا ئێن ئار تى هاتیە هنارتن وەزارەتا ناڤخۆ هشیاریێ ددەتە کارمەندێن هێزا ئاسایشا ناڤخۆ و بەرەڤانیا هەوارهاتنێ کو ئەفسەران ژى ڤەدگریت ، بێ مولەت نابیت گەشتا دەرڤەى وەلاتى بکەن.

د نڤیسێ دا هاتیە، " دەمەکە دهێتە تێبینیکرن ئەفسەر و کارمەندێن سەر ب وەزارەتا ناڤخۆ هاتنوچوونا دەرڤەى وەلاتى دکەن"، هندەک ناڤبەرا وەلاتێن دەورووبەرێن هەرێمێ کارێ بازگرانیێ دکەن.

بەحسا وێ یەکێ ژى کر، ب هەمى ئاوایەکێ هاتنوچوونا ئەفسەران و کارمەندێن هێزێن ئاسایشا ناڤخۆ، بۆ دەرڤەى وەلاتى بێ وەرگرتنا مۆلەتا فەرمى و دیار نەکرنا سەدەما سەرەدانێ قەدەغەیە.

پشتى داگەتنا بهایێ تمەنێ ئیرانى و لیرەیێ تورکى ل وەلاتێن جیران، وەلاتیێن هەرێما کوردستانێ ب رێژەیەکا بەرچاڤ ب ئاوایێ گرۆپ و خێزانى بەرەڤ ئیران و تورکیا دچن ، و د ناڤا وان دا کارمەندێن حکومى هەنە.

م.س