سەرنووچە:

گۆڕان: هەیا داویا ڤێ حەفتیێ دێ بەربژێرێن خۆ بۆ پۆستێن حکومەتێ یەکئالی کەین

فۆتۆ: 
2019-06-24

165 جار خوێندراوەتەوە

بەرپرسێ ژوورا حکومەت و پاڕلەمان ل بزاڤا گۆڕان ئاشکرا کر، هەیا داویا ڤێ حەفتیێ دێ بەربژێران بۆ پشکێن خۆ د کابینەیا نوو یا حکومەتێ یەکئالی کەین.

دانا عەبدولکریم بۆ دیجیتال میدیایا ئێن ئاڕ تی ڕاگەهاند، هەیا نها ٤٨ کەسان سیڤی بۆ پۆستێن وەزاریان پێشکێش کرینە و  لیژنەیەک دێ بۆ نرخاندنێ  بۆ سیڤیێ وان کەت، دویڤدا ژی سێ بەربژێر بۆ پۆستان دی هێنە هەلبژارتن و دناڤ وان دا ژی یەک کەس بۆ وی پۆستی دهێتە داری کرن.

دازانین ژی، هەیا نها چ کەسەک بۆ وی پۆستی نەهاتیە دیاریکرن، پشتی ئیکلای کرنا بەربژێران، ناڤ و سیڤیێ وان دێ ڕادەستی سەرۆکێ ئەرکدار بۆ پێکئینانا کابینەیا نوو یا حکومەتێ دکەن.

زەلالکر ژی، جێگرێ سەرۆکێ هەرێم، ئالیکاری سەرۆکێ حکومەت بۆ کاروبارێ چاکسازی، وەزارەتێن دارای و ئاڤەدانکرن،  بازرگانی و پیشەسازی و کار، کاروبارێ کۆمەلایەتی، هەروەسا بریکارێن وەزارەتا پەروەردێ و ناڤخۆ و کارەبا و شارەوانی و ئەمیندارێ وەزارەتا پێشمەرگە دگەل ١٢%ێ پۆستێن شیورمەندی و ڕێڤەبەرێن گشتی هەنە.

س.ع