سەرنووچە:

ترەمپ: دێ ڤان نێزیکان زانن ئەمریکا دێ هێرشێ کەتە سەر ئیران یان ژی نە

فۆتۆ: 
2019-06-20

254 جار خوێندراوەتەوە

ترەمپ: دێ ڤان نێزیکان زانن ئەمریکا دێ هێرشێ کەتە سەر ئیران یان ژی نە.

ل هەمبەرێ پرسیارا وێ یەکێ کو ئەرێ ئەمریکا دێ هێرشێ کەتە سەر ئیران، ترەمپ ڕاگەهاند، " ڤان نێزیکان دێ زانن".

هەر ئەڤرۆ وەک ئاماژەیەک بۆ بوویەرا ئێخستنەخوارا بالەفڕەکا بێ بافڕاڤان یا ئەمریکا ژ ئالیێ ئیرانێ ڤە، ترەمپی ڕاگەهاند ئیرانێ شاشیەکا مەزن کر.

 هەڤدەم سەرۆکێ ئەمریکا ڕاگەهاند، ئەو بالەفڕا بێ بالەفڕڤانا ئەمریکا سەربازی نەبوویە و سنورێ کنداڤێ دەرباز نەکریە.

دیارکر ژی،" ئەوێ بڕیاڕا کەفتنە خوارا ڤێ بالەفڕێ دایە گەمژە بوویە"

تویتا ترەمپی پشتی وێ یەکێ هات، سارا ساندەرس سکرتێرا ڕۆژنامەڤانیا کۆچکا سپی بۆ میدیایان ڕاگەهاند، سپێدەهیا ئەڤرۆ پێنجشەمبێ دۆنالد ترەمپ ژ خستنە خوارا بالەفڕەکا ئەمریکی ژ ئالیێ ئیرانێ ڤەهاتیە ئاگەهدارکر.

ئەڤرۆ ئاژانسا ئیرنای یا فەرمی یا حکومەتا ئیرانێ ڕاگەهاند، ئیرانێ بالەفڕەکا بێ بالەفڕڤانا ئەمریکا ل هەرێما هورمزگان ل باشورێ وەلاتێ خۆ ئێخستیە خوارێ و ئەمریکا ژی ئەو یەکێ ڕەتکر.

دازانین ژی، بالەفڕ بۆ چاڤدێریکرن و سیخوڕیکرنا نێزیک دەڤەرا " کوە موبارەک" ب سەر ئەسمانێ وی وەلاتێ گەڕیایە.

ئەو بالەفڕ ژ جۆرێ" ئارکیۆ٤ گلۆبال هۆک" بوویە و ئارمانجا وێ کۆمکرنا زانیاریێن ئیستیخباراتی لسەر ئیرانێ بوویە.

ل هەمبرێ وێ یەکێ دا بێل ئۆربان پەیڤدارێ ناڤەندا فەرماندەیا ئەمریکا بۆ ئاژانسا ئەسۆشێتد پرێس ڕاگەهاند، چ بالەفڕێن ئەمریکا بسەر ئەسمانێ ئیرانێ دا نەگەڕیانە.

س.ع