سەرنووچە:

شنگال.. بالیۆزێ هۆلندا سەرەدانا گوندێ کۆچۆ کر

دێ پشتەڤانیا قوربانیێن دەستێ داعشێ کەین
فۆتۆ: 
2019-06-20

236 جار خوێندراوەتەوە

دیجیتال میدیایا ئێن ئاڕ تی، نەزیر شنگالی، شنگال

ئەڤرۆ ل قەزایا شنگالێ بالیۆزێ هۆلندا ل عێراقێ سەرەدانا گوندێ کۆچۆ کر.

نووچەگەهانێ دیجیتال میدیایا ئێن ئاڕ تی ڕاگەهاند، ئەڤرۆ سپێدێ ڕۆژا پینجشەمبێ (٢٠ێ هەزیرانا ٢٠١٩)  ماتیۆس بالیۆزێ هۆلندا ل عێراقێ دگەل کریم خان سەرۆکێ تیما ڤەکۆلینا ناڤدەولەتی بۆتاوانێن داعشێ سەرەدانا گوندێ کۆچۆ ل قەزایا شنگالێ کر.

دازانین ژی، دێ ب هەموو شیانێن خۆڤە پشتەڤانیا قوربانیێن دەستێ داعشێ کەین و ئەو کارەساتێن کو ل شنگالێ چێبووینە ب ناڤەندێن ناڤدەولەتی بگەهینین.

 ئەڤە ژی د دەمەکێ دایە، د تەباخا٢٠١٤ێ دا چەکدارێن داعشێ هێرشی سەر شنگال و دەردۆرا وێ کرن، ب هزاران کوردێن ئێزدی ژ جهـ و وارێن خۆ ئاوارەبوون، نێزیکی ٦ هەزار ئێزدی هاتن کوشتن و ڕەڤاندن و گەلەک ژ وان ژی د گۆرێن ب کۆم دا هاتن ڤەشارتن، پشتی نەمانا چەکدارێن داعشێ ل شنگالێ ب هەڤبەندیا پشکداریا تیمێن حکومەتا هەرێم و عێراقێ و ب هەڤبەندیا نەتەوەیێن هەڤگرتی دەست ب لێگەڕیان و هەلدانا گۆڕێن ب کۆم کرنە.

س.ع