سەرنووچە:

ماستی چ مفایەک بۆ زەلامان هەیە؟

فۆتۆ: 
2019-06-20

1833 جار خوێندراوەتەوە

ڤەکۆلینەکا نوو ئاشکراکر، خوارنا دوو جەمێن ماستی حەفتیەکێ دا، ئەگەر هەیە زەلامان ل تووشبوون ب پەنجشێرا هەناڤان بپارێزیت.

ڕۆپەلا ڕوسیا تودەی د نووچەیەکێ دا دازانین، ڤەکۆلەران ل زانینگەها واشنتن ل سانت لویس بەحسا وێ یەکێ کر، زەلامێن دوو جەمی ماستی دخۆن، ڕێژەیا گەشەکرنا خانەیان و دروستبوونا گرێیێن پەنجەشێرێ د لەشێ وان ب ڕێژەیا%٢٠ کێمترە ب هەڤبەرکرن دگەل زەلامێن دی.

گرێیێن پەنجەشێران ب ئاوایەکێ نەسروشتی دا گەشەیێ دکەن د قۆلۆنێ دا دەستپێکە بۆ تووشبوون ب پەنجەشێرێ ئەگەر نەهێتە چارەسەرکرن.

ڤەکۆلەران ئەو یەک ڕوونکر، ئەنجامێ ڤێ ڤەکۆلینێ پشتڕاستکرنە بۆ ڤەکۆلینێن دی، کو وێ یەکێ دسەلمینن خوارنا ماستی ئالیکارە بۆ کێمکرنا مەترسیا تووشبوون ب پەنجەشێرا هناڤان، ب رێکا گۆهڕینا قەبارە و جۆرێ بەکتریا هناڤان.

د ڤێ  ڤەکۆلینێ دا کو د گۆڤارا " Gut " هاتیە بەلاڤکرن ڤەکۆلەران ڤەکۆلین لسەر سیستەمێ خوارن و گرێیێن هەناڤان کرینە ل ٣٢ هزار و ٦٠٠ زەلامان دا، هەروەسا ٥٥ هزار و ٧٠٠ ژنان دا.

تەڤایا پشکداربوویان د ناڤبەرا سالێن ١٩٨٦ و ٢٠١٢ دا ب بەردەوامی پشکنین بۆ هەناڤێن وان هاتینەکرن و هەر چار سال جارەکێ ڕاپۆرتەک لسەر خوارنا ڕێژەیا وی ماستی کو دخۆن کریە.

د دەما ڤەکۆلێنێ دا کو ٢٦ سالان بەردەوام بوو گرێ د لەشێ ٥٨٠٠ زەلامان دا گەشەکریە، هەروەسا ٨١٠٠ ژنان دا.

د ئەنجامێ دا دەرکەفت، ئەو زەلامێن کو د ئێک حەفتیێ دا دوو جەما یان زێدەر ماستی دخۆن، مەترسیا تووشبوون ب گرێ یا پەنجەشێرێ ب ڕێژەیا %٢٦ کێمتر بوویە.

لێ ڤەکۆلەران د دەما ڤەکۆلینێ دا چ پەیوەندی دناڤبەرا ماستی و پەنجەشێرێ د لەشێ ژنان دا نەدیتیە.

س.ع

Image result for ‫سرطان الامعاء في رجال‬‎