سەرنووچە:

وه‌زیرێ‌ كۆچ و كۆچبه‌رێن عێراقێ: د چەند ڕۆژێن داهاتی دا دێ پارەی بسەر ئاوارەیان دا پارڤەکەین

د سەرەدانەکێ بۆ دهۆكێ
فۆتۆ: 
2019-06-20

552 جار خوێندراوەتەوە

وه‌زیرێ‌ كۆچ و كۆچبه‌رێن عێراقێ ب مەرەما هایداربوون لسەر ڕەوشا ئاواران سەرەدانا دهۆکێ کر و ڕاگەهاند د چەند ڕۆژێن داهاتی دا دێ پارەی بسەر ئاوارەیان دا پارڤەکەن.

 وه‌زیرێ‌ كۆچ و كۆچبه‌رێن عیراقێ دگەل شاندەکێ سەرەدانا پارێزگەها دهۆکێ کرن و دگەل پارێزگارێ وی باژاری جڤیان، د جڤینێ دا به‌حسێ‌ ره‌وشا ئاواره‌ و په‌نابه‌رێن سنورێ‌ پارێزگه‌هێ و ئاوایێ خزمه‌ت و هەڤکاریێن رێكخراوێن خێرخواز و وه‌زاره‌تا كۆچ و كۆچبه‌ران كرن.

نەوفەل بەهاو وه‌زیرێ‌ وه‌زیرێ‌ كۆچ و كۆچبه‌رێن ڕاگەهاند، لدیف ڕاسپاردێن سه‌روك وه‌زیرێن عێراقێ‌ وان سەرەدانا دهۆکێ کرنە، داکو ژ نێزیك ڤە ره‌وشا ئاواره‌یان ل پارێزگه‌ها دهۆكێ‌ بزانن.

هەروەسا گوت، د ڕۆژێن داهاتی دا دێ كوژمه‌كێ‌ پاره‌ی ب سەر ئاوارەیان دا پارڤەکەن کو دێ هەر خێزانه‌كا ئاواره‌ ملیۆنه‌ك و ٥٠٠ هزار دینار پێ هێنە دان.

ئەو یەک ژی دازانین، د پڕۆژەیێ وان دایە ڕێكێ‌ بۆ ڤه‌گه‌ڕیانا ئاوارەیان خۆش ‌بکەن و پێدڤیێن وان یێن ژیانێ‌ ل باژاێن وان دابینبکەن، داکو ب ئارامی ڤه‌گه‌ڕنه‌ سه‌ر جهێن خۆ.

د نها دا ٢١ كه‌مپێن ئاواره‌ و په‌نابه‌ران ل سنۆرێ دهۆکێ هەنە و پتر ژ ٤٢ هزار خێزان دناڤ دا دژین و ژ ڤێ‌ هەژمارێ‌ ژی گەلەک ل ده‌رڤه‌ی كه‌مپا دژین.

س.م