سەرنووچە:

ئاری هەرسین: داخویانیا مەحمود سەنگاوی دێ سستیێ ئێخیتە ناڤ ڕێکەفتنا پارتی و یەکێتیێ

فۆتۆ: ئێن ئاڕ تى
2019-06-19

541 جار خوێندراوەتەوە

پەرلەمانتارەکێ بەرێ یێ پارتی د پەرلەمانێ کوردستانێ دا ڕاگەهاند، داخویانیا مەحمود سەنگاوی دێ سستیێ ئێخیتە ناڤ ڕێکەفتنا ناڤبەرا پارتی و یەکێتیێ، لێ داویی ناهێت.

ئاری هەرسین د دەما پشکداریکرن د بەرنامەیێ تاوتوێ یێ ئێن ئاڕ تی دا دازانین، نابیت ئەندامەکێ مەکتەبا سیاسیا یەکێتیێ ب ڤی ڕەنگی هێرشی سەر پارتی بکەت و "ئەگەر مام جەلال د ژیانێ دا بووایە و کەسەکێ هێرشی سەر مەسعود بارزانی کربا دا گۆپالی بۆ هەلگریت".

دەربارەی گەرمبوونا بابەتێ دوو ئیدارەیێ ژی گوت، دوو ئیدارەییەکا نەفەرمی د هەرێما کوردستانێ دا هەیە و چ کەس نەشێت بێژیت وەسا نینە.

دیارکر ژی، پێدڤیبوو یەکێتی ب ئاوایەکێ جدیتر سەرەدەری دگەل وێ داخویانیا ئەندامێ مەکتەبا سیاسیا خۆ کربا و لێپرسین دگەل دا کربا، ژبەر کو پارتی و یەکێتیێ لهەڤهاتن د بەرێ و نها ژی دا هەیە.

ئەو گوتنێن ئاری هەرسین دەمەکێ دانە، د چەند ڕۆژێن دەربازبوویی دا مەحمود سەنگاوی د گوتارەکێ دا هێرشێن توند کرنە سەر مەسعود بارزانی و وێ یەکێ ژی کارڤەدانێن پارتی لدیف خۆدا ئینان.

س.م