سەرنووچە:

شنگال.. بسەدەما ئاگری ٥٠٠ خانی شەوتین

هەیا نها بەردەوامە
فۆتۆ: 
2019-06-19

311 جار خوێندراوەتەوە

دیجیتال میدیایا ئێن ئار تی، شنگال، نەزیر شنگالی

ل ناحیا گر عوزێر یا سەر ب قەزا شنگالێ بسەدەما ئاگر کەفتێ سەدان دۆنمێن دەخلودانی و هەژمارەکا زێدە یا خانیێن وەلاتیان شەوتین.

جەلال خەلو ڕێڤەبەرێ ب وەکالەت یێ ناحیا گر عوزێر یا سەر ب قەزا شنگالێ بۆ دیجیتال میدیایا ئێن ئاڕ تی ڕاگەهاند، ئێڤاریا ئەڤرۆ چارشەمبیێ (١٩ێ هەزیرانا ٢٠١٩) ئاگر ب دەخلودانێ وەلاتیان کەفت ب وێ سەدەمێ ژی سەدان دۆنمێن دەخلودانی و نێزیکی ٥٠٠ خانیێن وەلاتیان ب تەمامی شەوتین.

دیارکر ژی، زێدەباری بزاڤێن بەردەوامێن تیمێن ئاگرڤەمراندن و وەلاتیێن دەڤەرێ، لێ ژبەر زێدەیا ئاگری هەیا نها نەهاتیە کۆنترۆلکرن.

ل دەستپێکا ئەڤ سالە هەیا نها ١٦ بوویەرێن ئاگرکەفتنێ ل سنورێ قەزا شنگالێ چێبوونە، ب وێ سەدەمێ ژی زێدەتری ٣٥ هزار دۆنمێن دەخلودانێ وەلاتیان شەوتینە و سێ جوتیار ژی د بزاڤێن ئاگرڤەمراندنێ دا جانێ خۆ ژ دەستدانە.

س.م