سەرنووچە:

هاتنوچوونا دهۆکێ ئاگەهداریەک دەربارەی تابلۆیێن تڕۆمبێلێن تایبەت ب گەشتکرنێ بەلاڤکر

فۆتۆ: 
2019-06-19

7888 جار خوێندراوەتەوە

دیجیتال میدیایا ئێن ئاڕ تی، دهۆک، بێوار حیلمی

ڕێڤەبەریا هاتنوچوونا دهۆکێ ئاگەهداریا وان وەلاتیان دکەت کو دخوازن ب تڕۆمبێلێن خۆ گەشتا دەرڤەیی وەلاتی بکەن، د نها دا وان دەست ب دروستکرنا تابلۆیێن تڕۆمبێلا یێن تایبەت ب گەشتکرنێ کریە.

ئازاد تاها بەرپرسێ ڕاگەهاندنا هاتنوچوونا دهۆکێ بۆ دیجیتال میدیایا ئێن ئاڕ تی ڕاگەهاند، ڕێڤەبەریا وان دەست ب دروستکرنا تابلۆیێن تایبەت ب گەشتکرنێ بۆ کەسێن کو دخوازن ب تڕۆمبێلێن خۆ گەشتا دەرڤەی وەلاتی بکەن کریە، د نها دا وەلاتی دکارن بۆ وێ مەرەمێ وان تابلۆیان وەرگرن.

ئەو یەک ژی دازانین، تابلۆیێن کو دهێنە دروستکرن بچیکترن ژ یێن گشتی و هەژمارە و ناڤێ پارێزگەهێ ب لاتینی لسەر تابلۆیێ دهێتە نڤیسان، بۆ دروستکرنێ پێدڤیە شۆفێری ناسنامە و ڕەگەزنامە و کارتا زانیار و وێنەیێن ڕەنگا و ڕەنگ، دەرخستا هاتنوچوونا گۆمرکی و پاسپۆرتا گەشتکرنێ دگەل دا بیت.

زەلالکر ژی، دگەل وەرگرتنا تابلۆیێ دێ سۆزنامەک ب شۆفێری هێتە تژیکرن و ل دەما ڤەگەڕیان ل گەشتا خۆ دێ تابلۆیێ بۆ ڕێڤەبەریا وان ڤەگەڕینیت،  تابلۆ تنێ بۆ گەشتکرنا دەرڤەی ولاتی دهێتە بکارئینان و ب چ ئاوایەکێ بۆ ناڤخۆ ناهێتە بکارئینان.

س.م