سەرنووچە:

شاندەکێ لژنا چاندنێ ل پەرلەمانا کوردستانێ سەرەدانا سایلۆیێن دهۆکێ کر

ب مەرەما هایداربوون لسەر ڕێژە و چاوانیا وەرگرتنا گەنمێ جوتیاران
فۆتۆ: 
2019-06-19

596 جار خوێندراوەتەوە

دیجیتال میدیایا ئێن ئاڕ تی، دهۆک، تائیف گۆران

ئەڤرۆ شاندەکێ لژنا چاندنێ ل پەرلەمانا کوردستانێ کو ل هەریەک ژ پەرلەماتناران سیپان ئامێدی و دکتۆر ئیسماعیل سگێری پێکهاتبوون، ب مەرەما هایداربوون لسەر ڕێژە و چاوانیا وەرگرتنا گەنمێ جوتیاران سەرەدانا سایلۆیێن سنورێ پارێزگەها دهۆکێ کر.

سیپان ئامێدی پەرلەمانتارێ نەوەی نوێ د پەرلەمانێ کوردستانێ دا هەڤدەم ئەندامی شاندا لژنەیا چاندنێ بۆ دیجیتال میدیایا ئێن ئاڕ تی ڕاگەهاند، د بزاڤان دانە دگەل حکومەتا عێراقێ وێ ڕێژەیا بۆ جوتیارێن هەرێمێ هاتیه دانان زێدەبکەن، هەڤئاوایێ باشور و ناڤەراستا عێراقێ لێبکەن.

دازانین ژی، ب هەمی ئاوایەکێ پشتەڤانیا جوتیاران دکەن و دێ داخازیێن وان گەهینە جهێن پەیوەندیدار.

بڕیارە ئەڤ سالە ل هەرسێ سایلۆیێن زاخۆ، شێخان، فەیدیێ گەنم ژ جوتیاران بهێتە وەرگرتن، کو دێ ١١٢ هزار تەنێن گەنمی ژ جوتیاران هێنە وەرگرتن.

هەروەسا هەر لگۆڕی ڕێنمایێن وەرگرتنێ، دێ بهایێ وەرگرتنا گەنمێ پلە ئێک ب ٥٨٠ هزار دیناران، پلە دوو ٥٦٠ هزار دیناران و پله سێ ٤٢٠ هزار دیناران بیت.

س.م