سەرنووچە:

محەمەد مورسی وەغەرا داویێ کر

د دەما دادگەهکرنێ دا
فۆتۆ: 
2019-06-17

301 جار خوێندراوەتەوە

تەلەفزیۆنا فەرمی یا میسرێ بەلاڤکر، ئەڤرۆ دووشەمبیێ (١٧ێ هەزیرانا ٢٠١٩ێ) محەمەد مورسی سەرۆکێ بەرێ یێ میسرێ د دەما دادگەهکرنێ دا وەغەرا داویێ کر.

لدیف نووچەی محەمەد مورسی د دەما پرۆسەیا دادگەهکرنێ دا د دوسەیا پەیوەندی کرن دگەل قەتەرێ  وەغەرا داویێ کر.

تلەفزیونا میسرێ بەلاڤکر، د دەما پرۆسەیا دادگەهکرنێ دا داخوازا مولەتێ ژ دادورى کریە، رێکێ بدەت ب ئاخڤیت، د دەما داخستنا ڕوونشتنێ دا بێهوشبوویە و دیف دا جانێ خۆ ژ دەست دایە.

د نها دا محەمەد مورسی بۆ نەخوشخانەیێ هاتیە هنارتن و ڕێکارێن پێدڤی گرتینە بەر ب مەرەما ڤەشارتنا تەرمێ وى.

هەڤدەم هەر پشتی بەلاڤبوونا نووچەیا وەغەرکرنا محەمەد مورسی، وەزارەتا ناڤخۆیا میسرێ ڕەوشا ئاوارتە و دژوار ل سەرتاسەریا ولاتی ڕاگەهاند.

د یەکەم کارڤەدان دا ژی ڕەجەب تەیب ئەردۆغان سەرۆک کۆمارێ تورکیایێ دەربارەی وەغەرکرنا مورسی، ناڤبری ب "شەهید" بناڤکر.

محەمەد محەمەد مورسی عیسا عەیان ل سالا ١٩٥١ ل گوندێ (عودەوە) یێ سەر ب پارێزگەها شەرقییە ژ دایکبوویە، د مالباتەکا جوتیار دا مەزن بوویە و کۆڕێ مەزنێ خێزانا خۆ بوویە، پێنجەم سەرۆک کۆمارێ میسرێ یە و یەکەم سەرۆکێ پشتی شۆڕەشا ٢٥ێ چلەیا وی ولاتی دهێتە دانان.

م.ن