سەرنووچە:

پاسەک هاتیە دروستکرن کو دگەل تێکچوونا ساخلەمیا شوفێری ڕادوەستیت

فۆتۆ: 
2019-06-17

205 جار خوێندراوەتەوە

بۆ یەکەمجارە پاسەک دهێتە دروستکرن کو دگەل تێکچوونا ساخلەمیا شوفێری  براوەستیت.

کومپانیا دروستکەرا ترۆمبێلا "هینۆ مۆتۆرز" یا ژاپونى، ڤان نێزیکان دێ پاسەکا نوو ئێخیتە د ناڤ بازاران دا کو شیانێن دیارکرنا حالەتێ شوفێری هەیە، ئەگەر ڕەوشا شوفێری یا باش نەبیت ئەو دێ ب ئاوایەکێ ئۆتۆماتیکى ڕاوەستیت.

کومپانیا ژاپونى سیستەمەکێ نوو یێ دیزانکری کو دکاریت حالەتێن تێکچوونا شوفێری د ناڤ پاسێ دا چارەسەر بکەت کو ئەڤە یەکەمجارە د جیهانێ دا دهێتە دروستکرن، کامیرەیەک بۆ کنترۆلکرنا ڕەوشا لەشێ شوفێری دانایە بۆ وێ چەندێ د هەر حالەتەکێ نەئاسایی دا وەکى چەماندنا سەرى و چەند لڤینێن دى یێن دەمێ تێکچوونێ دا بنیاسیت.

ئەگەر هەر گوهەرتنەکا نەئاسایی د لەشێ شوفێری دا ڕووبدەت و ترۆمبێل ب لەزاتیا ٦٠ کیلومەتران د دەمژمێرەکێ دا یان زێدەتر بچیت بێ کو شوفێری چ کارڤەدان هەبن، سیستەم دێ ڕاستەوخۆ ترۆمبێلێ ڕاوەستینیت.

هزرا ڤی کاری ژ وێ چەندێ هات کو د سالێن دەرباسبووى دا حالەتێن جەلتا دلى و بێهوشبوون و ئاریشەیێن و تێکچوونێن دى یێن لەشى د لەشێ شوفێران دا بتایبەتى ژى ترۆمبێلێن مەزن وەکى پاس و بارهەلگر درۆستبوونە و توشى بوویەرێن زوور بوونە.

م.ن