سەرنووچە:

جڤاتا وەزارەتا خواندنا بلند چەند بریارەک دەرکرن

بۆ خواندنا ماستەر و دکتورایێ
فۆتۆ: 
2019-06-17

808 جار خوێندراوەتەوە

جڤاتا وەزارەتا خواندنا بلند چەند بریارەک بۆ دەرچوویێن زانکۆ و پەیمانگەهان دەرکرن و ڕاگەهاند، خواندنا ماستەر و دکتورایێ دێ ب مەرج دەستپێکەین.

یوسف گۆران وەزیرێ خواندنا بلند و ڤەکولینێن زانستى د ڕاگەهاندنەکا جڤاتێ دا بحس کر، ب چەند مەرج و ڕێنمایێن نوو یێن دەستپێکا خواندنا ماستەرێ ل زانکۆیێن هەرێما کوردستانێ دێ دەستپێکەین.

ڕاگەهاند ژى، بۆ سالا ٢٠١٩ـ ٢٠٢٠ خولا ماستەرێ دێ هێتە ڤەکرن و زێدەتر وان کەسان دێ ڤەگریت کو ل دیف پشک و بسپوریا پێدڤیا بازارێ کارێ کوردستانێ نە.

گوت ژى، ژبەر کو هەژمارەکا زێدە یا خواندکاران حەزا خواندنێ ل دەرڤە هەیە، د دەمێ داهاتى دا لدیف پلان و پێدڤیا زانکۆیان، ماموستا و فەرمانبەران بۆ خواندنێ دێ بۆ دەرڤەى ولاتى هنێرین.

دەربارەى پێدانا ناسناڤێ زانستى بۆ ئەوانە یێن نمرەیێن وان یێن بەکالوریوسێ ژ ٦٠% کێمترن، پشتى نیشاندانا پێشنیارا لیژنەیا تایبەتمەند، کو بەر نها بۆ ڤێ مەرمێ هاتبوونە دیارکرن، پشتى گۆتۆبێژ و پیشنیاران دێ بریارێ ل سەر دهیتە دان پشتى زانینا هەژمارا وان کەسان، دی بریار ل سەر وى بابەتى هێتەدان.

دەربارەى بەلاڤکرنا ڤەکولینێن زانستى ل وان زانکۆیان خواندنا دکتورایێ هەیە،جڤاتێ بریار دا کو خواندنا دکتورایێ هەبیت و فەکولینان برێکا (ثۆمسۆن ریۆتەر) بەلاڤکر، ئەگەر ڤەکولین ژ (ثۆمسۆن ریۆتەر) نەبوو، پیدڤیە دوو ڤەکولین، یەک د (سکوپەس) و ئەوا دووێ ڤەکولینا (مەحکەم) لدیف  پیڤەرێ (نور) یێ تایبەت ب ڕێزکرنانیشتیمانێ زانکویان بەلاڤ بکەن.